Erabiltzailearen profila

Istorioa ondo dago eta ideia nagusia interesgarria da maila etikoan ere, oso entretenigarria da eta thriller bezala irakur daiteke.

Agian okerrena izan daiteke pertsonaiak oso lauak direla (onak oso onak eta txarrak oso txarrak), eta ekintza nagusiak ez dituela oztopo gehiegi aurkitzen aurrera egiteko orduan. Ah! Eta iruzkin nabarmen matxista bat aurkitu dudala.

Edonola ere, zerbait arina nahi baduzu, burua nekatuko ez dizuna, ondo dago. Hurrengoak ere irakurriko ditut.

Liburu honetaz esan zitekeen guztia esanda dago. Lehen aldiz irakurri nuenean gustatu zitzaidan eta berrirakurketa hau are gehiago gustatu zait, askoz hobeto ulertu dudalako. Tartean "Homenaje a Cataluña" irakurri dudalako, besteak beste. Liburu hau bukatu bezain pronto "Tierra y libertad" (Ken Loach, 1995) ikusi behar da.

Ba hori, zure gustukoa izan zen? Ba berriz irakurri, are gehiago disfrutatuko duzulako. Eta ez baduzu irakurri, zeren zain zaude? Adinak gutxi axola du.

@Jokin pendiente daukat, ea zer moduz. 🧐

@txikillana zein ordenatan irakurtzen ari haiz? Nik Cortazarrek proposatutako ordenan irakurri nian eta gozada bat izan zuan. Oroitzapen ederrak ditiat! 1. kapitulua "Andábamos sin buscarnos pero sabiendo que andábamos para encontrarnos.", 7. (hau idazten dudan bitartean berrirakurri dut) "Me miras, de cerca me miras..." eta 93. "Total parcial: te quiero. Total general: te amo.”... denak zaukatek "zera"-ren bat.

Beldur nioan liburuari, baina ireki bezain pronto maitemindu ninduan (Del lado de allá... mundiala duk). Egunen baten berriz irakurri behar diat.

Liburuxka honek, Fedilibret izenagatik ezaguna, Fedibertsoaren inguruko nondik norakoak azaltzen ditu. Kataluniako esperientzian zentratzen da gehienetan, baina toki askotako adibideak daude. Bereziki interesgarria heldu berrientzat, hasieran sor daitezkeen zalantzak argitzeko. Baita ere, heldu berriak ez garenontzat, gogoratzen ez nituen zenbait kontu gogorarazi dizkidalako. 🤓

Liburuak bidaia bat proposatzen digu, izan zenaren, izan zitekeenaren eta izan ez zenaren mugara. Eta bizitzako gauzarik onenak ustekabetik datozenez, horrela datoz liburu honetako bi protagonistak ere.

Argi dago Oihaneren ahots literarioak duen indarra. "Ibaiertzeko ipuina" irakurri genuenok eskutik heldu eta zuk inolako ahaleginik egin gabe eramaten zaituen idazlearekin egingo dugu topo berriro. Izan ere, Karontek ez bezala, Oihanek ez digu ezer eskatuko trukean.

Zati batzuetan "Agurea eta itsasoa" gogorarazi dit, ez dakit zergatia arrazoitzen, agian itsasoagatik edo kapitain zaharragatik. Ez dakit. Baina bere bigarren liburua da, eta lotura horiek egin ahal izateak erakusten du, nire ustez behintzat, Euskal Herriko idazle onenetako baten aurrean gaudela.

Miren Triggsen pertsonaia gustatzen zait eta haren beste istorio bat irakurtzeko gogoa nuen. Liburua gustatu zait eta oso ondo funtzionatzen duela uste dut. Eskolako zerak eta erlijioaren inguruko joan-etorriak oso ondo harilkatuta daude.