Erabiltzailearen profila

Pensylvania, Pantera pistolero mexikarra eta bere lagun Molly irlandarra, meatzariak, greba gogorrak, miseria latza eta kapitalismo industrialaren biolentzia bere osotasunean, Molly Maguiresen erresistentzia... osagaiak behintzat bikainak dira Valerio Evangelistiren nobela proletario honetan. Bagoaz!

Asteburua hasieran lo gutxi egin nuen, komiki honen irakurketak oroimenaren argi-ilunetara eraman nauelako. Ostiral gauean irakurtzen hasi eta larunbateko ordu txikietan liburua amaitu arte ezin izan nuen utzi.

'Ahanzturaren leizea' irakurri dut, ahanzturaren leizetik bizitza sorta bat ateratzen duen komiki bikaina. Denbora eta bizitza ezberdinen historiak maisuki josiz, Paternako hilerriko hobi komun baten irekitzea du abiapuntu, marrazki eta kontakizunerako gaitasun delikatu eta finarekin.

Zirrara sakona utzi dit gorputzean, historia biziki gogorrak kontatzen dituelako, baina baita denon oroimen-ahanzturaren amildegiaren ertzean jarri eta asko pentsarazi didalako.

Paco Rocaren eta Rodrigo Terrasaren komiki bikaina, Bea Montoriok eta Astiberrik euskarara ekarria (mila esker!).

#memoria #ahanztura #herritarronhistoria #komikia #komikiaeuskaraz #irakurketak

Rita Barrachinaren manual labur eta zehatza gaztelaniatik esperantoaren munduan sartzeko. beti izan dut hizkuntza sintetiko honekiko interes handia, baina nondik hasi zaila egin zait beti. Liburu honek lagundu dit bultzada ematen. Bertan Esperantoaren historia, arauak, ariketak eta kulturaren inguruko oharrak aurkituko dituzue.

Kultura librearekin lotura ere egiten du Ritak, liburuaren lizentziatik eta erabilitako softwaretik hasita, Esperantoaren (eta hizkuntza guztien oinarria ere badena).

Liburuaren sorkuntza prozesua eta ondorengo eboluzioari buruzko informazio gehiago, hemen: gamifi.cat/blog/2023-08-23_eo-libro/

Ederra litzake horrelako lan bat euskaraz izatea.

Gustura irakurtzen ditut liburu distopikoak. Istorio erakargarriak sortzeko bidea ematen dute, eta interesgarriak izan daitezke etorkizuneko arriskuen eta erronken azterketa egiteko, baina etorkizun utopiko(ago)ekin amestea ere guztiz beharrezkoa iruditzen zait, bestela etsipenean eroriko baikara. Liburu honetan horretan saiatu dira hainbat idazle ezagun, eta emaitza oso txukuna lortu dutelakoan nago. Baina bat jartzekotan, istorioren batean "etorkizuneko izen xelebreko tramankuluak" topikoa gehitxo landu ote den sentsazioarekin geratu naiz. Gainerakoan oso fin.

Gaztelaniaz irakurri beharreko komiki ezinbestekoen zerrendan neukan, eta pozez ikusi dut euskaraz dagoela. Etxeko komiki bilduman dago.

Elegose irakurle taldearen bultzadaz, Montalban, Montalbano eta beste hainbat erreferentziaren bila hasiko dudan irakurketa.

Sekulako liburu puska iruditu zait Joseba Gabilondoren hau eta ondorioz poliki-poliki irakurri beharrekoa. Gako asko ditu. Galdera askorentzako erantzunak. Une ezberdinetan sortutako mugimenduen izendatze egoki eta analisi luze eta zorrotzak. Finean, kontatzen digu nola Espainiak, bai politikan eta bai kulturan berrezartzen duen bere inperioa behin eta berriz modu histeriko eta sistematikoan. Bukatzeko, etorkizun berrezartuezin bat aurreikusiten du.

Miramaren amaitu dut Jan Morris idazle eta kazetari galestarraren 'Trieste', kronika historiko, literario eta pertsonala . Oso gustora irakurri dut, bereziak Triesteko hainbat anekdotagatik, eta gaur egungo izaera melankoliko post-inperialaren argazkiagatik. #Trieste #irakurketak #JanMorris #Miramare

Trieste liburuko guneetako bat denez @Aldatsa|k gomendatua, Anjel Lertxundik sinatua liburutegian dudala konturatu naiz. Irakurtzen hasi naiz.

Laster Triestera egingo dugun bidaiarako irakurketa eta erreferentzien bilaketa eklektikoan, gogoratu nintzen Anjel Lertxundik duela urte mordo bat Berrian idatzi zituela Italiara egindako bidaia baten kronikak. Berria egunkarian argitaratu zituen, baina ondoren Alberdania eta Berriaren artean liburu formatuan ere kaleratu zen, eta banekien etxeko liburutegian nonbait banuela. Bidai kroniken apalean aurkitu eta berehala hasi nintzen irakurtzen.

Literatura ardatz, Italia Iparraldean egindako bidaiaren kronikak dira, modu arinean kontatutako bidaia, erreferentziaz betea. merezi du bidaiak prestatzeko, edo italiarzale eta literatura zaleontzat etxetik mugitu gabe bidaiatzeko.

Aosta, Padua, Venezia eta Triesten behintzat jarraituko ditugu Anduren pauso eta kontakizunak.

Guido Brunetti komisarioaren sail osoa irakurtzen daramat urte batzuk eta hau tokatzen zen, juxtu lehen aldiz Veneziara joan aurretik. Ez da saileko onenetakoa, esango nuke nahiko kaxkarra dela, bereziki erlijiotasunna txertatzen saiatzen denean. kasua ere orain arteko predezibleenetakoa.

Erri de Lucaren liburu ederra. Beste liburu eder bat. Askotan bezala mendia, harremanak eta kapa ezberdinetan murgiltzen doan istorioa, gizon 'zahar' bat et neska ijito gazte baten artean, Eslovenia eta Italia arteko mendietan hasi eta Gradoko portuan Adriatikoraino. Denboran Mikado jokoaren arauetan barna luzatzen dena. Bi egunetan irakurri dut, gozatuz.