Ikusi etiketatutako egoeran Paperjale.eus komunitate lokalean
Ostiralean Douamont-en (Verdun) egon nintzen etxekoekin, #GerraHandia|ren basakeria eta hilketa industriala azaldu nahian. Zaila.
Nahiko inpresionatua pasa nuen eguna, hainbeste irakurri dut horri buruz... eta horren zulatua ikusi daiteke oraindik lurra han bertan, ez dago metro karratu bakarra kraterrik gabe.
Hala ere benetan zer izan zen ulertzera iristeko fikzioa ezinbestekoa da, asko dago zirrara sortzen duena.
Latzena denetan nire ustez Tardiren #komikia da, gaur berriro irakurri dut:
@katakrak54 Orain #komikia Verso argitaletxeak ingelesez, Antwerpen Luddites liburudendan erosia:
Luddites, Books & Wine izeneko liburudendarekin topo egin genuen atzo Antwerp-en.
Ederra.
https://www.luddites.be/
Izenari kasu eginez, teknologia gozagarriak aldarrikatzen dituen proiektu konspiratzailea da, beste teknologia batzuk suntsitu, edo behintzat momentu batez alde batera uztea errazten duena.
Feat. @txerren
https://www.berria.eus/komunikazioa/analisia-komunikazioa/gu-eta-teknologia_2162868_102.html
Duela gutxi irakurritako CLR James-en 'Jakobino Beltzak' saiakeran oinarritutako 'Touissant Louverture' #komikia erosi nuen.
[2/2 irudian] #bidean gurekin eramango ditugunak.
Komiki klasikoak, Asterix, Tintin, Tardi, Bruselako gida ilunak, Gerra Handiko gauzak, eta utopia zikinak lantzeko materialak (oporretan zerbait idazten hasi nahi dut).
Mitoak birpentsatzea
https://etzi.pm/mitoak-birpentsatzea/
«Odiseoren itzulerako bidaia barne-bidaiaren alegoria bihurtu da, eta Itaka ezin atzemandako helburutzat jotzen ohi da, bizitzaren beraren metafora»
Ideia sakonak, baina zenbait irakurketa eta komiki gomendio bitartez.
@raki bidez.
Mitoak birpentsatzea
Milurtekoak joan milurtekoak etorri, Troiako gerraren oihartzuna ez da kultura popularrean isiltzen. Horra hor, adibidez Balea Zuriaren 2025eko euskarazko argitalpena. Haurrak gineneko TVEn emandako atalezko antzerkia, gazte garaiko France 3.ko Ulysse 31 ala heldutasunean R3ko saioak gogoangarriak ahaztu gabe. Ez aipatzearren serie eta pelikula ugari, berriena laster zuen ekranetan.
Abentura eta dramaren gaindi, Odiseoren itzulerako bidaia barne-bidaiaren alegoria bihurtu da, eta Itaka ezin atzemandako helburutzat jotzen ohi da, bizitzaren beraren metafora. Kavafisen poema da horren gailurra; gurera Muguruzak Itaka berriro ekarri zuen. Jean Harambatek hara abiatu zen ere Ulysse: les chants du retour (Actes Sud, 2014) komikian.
Historia eta mitoa erkatu dituzten lanak kontaezinak dira. Schliemann horretaz baliatu zen Ilion zaharra topatzeko; eta lan berri bi baino ez aipatzearren Robin Lane Fox (2024) edo John Freely (2014) ekarriko ditugu gogora. Oso berezia da, era berean, Mediterraneoko zibilizazio zaharrari buruzko Pedro Olallaren Palabras del Egeo (Acantalado, 2022) maisu lana. …
Mitoak birpentsatzea
Milurtekoak joan milurtekoak etorri, Troiako gerraren oihartzuna ez da kultura popularrean isiltzen. Horra hor, adibidez Balea Zuriaren 2025eko euskarazko argitalpena. Haurrak gineneko TVEn emandako atalezko antzerkia, gazte garaiko France 3.ko Ulysse 31 ala heldutasunean R3ko saioak gogoangarriak ahaztu gabe. Ez aipatzearren serie eta pelikula ugari, berriena laster zuen ekranetan.
Abentura eta dramaren gaindi, Odiseoren itzulerako bidaia barne-bidaiaren alegoria bihurtu da, eta Itaka ezin atzemandako helburutzat jotzen ohi da, bizitzaren beraren metafora. Kavafisen poema da horren gailurra; gurera Muguruzak Itaka berriro ekarri zuen. Jean Harambatek hara abiatu zen ere Ulysse: les chants du retour (Actes Sud, 2014) komikian.
Historia eta mitoa erkatu dituzten lanak kontaezinak dira. Schliemann horretaz baliatu zen Ilion zaharra topatzeko; eta lan berri bi baino ez aipatzearren Robin Lane Fox (2024) edo John Freely (2014) ekarriko ditugu gogora. Oso berezia da, era berean, Mediterraneoko zibilizazio zaharrari buruzko Pedro Olallaren Palabras del Egeo (Acantalado, 2022) maisu lana.
Alabaina, abenturak, metaforak nahiz Historiak , gehien bat Odiseo izan dute hizpide: haren zuhurtzia Troiaren harresiaren parean, haren sufrikarioa Itakarako bidean. Kontakizun odoltsu eta gordin hauetan zehar, ordea, badago ezinbesteko osagaia usu aipatzen ez dena, begi bistakoa bada ere: emakumea. Dela indarrez ezarritako modu pasiboan dela modu aktiboan, ezin ulertu kontakizun hauek emetasunik gabe. Galdetu bestela Odiseori berari. Emakumeen laguntzarik gabe nekez Itakaratuko zen hura. Emakume klasikoa argitara ekartzeko bidean ditugu Carmen Estradaren Odiseicas (Seix Barral, 2021) nahiz Iliadaren eta Odisearen Blackie books etxearen bertsioetan Eurípides, Alessandro Baricco, Marina Garcés eta Margaret Atwoodek plazaratu iruzkinak.
Abiapuntu berria jarri du orain Emily Hauser doktoreak. Bere lan berrian, Mythica: the bestselling story of the real women of the Iliad and Odyssey delakoan (Penguin, 2025), aztarna arkeologikoak darabilzki hala Iliadan nola Odisean agertzen diren Brontze Aroko emakumezkoen rol historikoa argitzeko. Aho bete hortz irakurtzen den alimalezko Historia lana da, inolako zalantzarik gabe kalitate handiko “History from bellow”. Jakina hau da inoiz euskaraz irakurriko ez dugun liburu horietako bat.
Azkenik, mito klasikoen ikuspegi berritzaile horren baitan, beste bi komiki aipatuko dugu. Lehena, Frissen eta Trifogliren El feu de Thesée (Les Humanoïdes associés, 2019). Komiki zoragarri honetan, autoreek Homeroren identitatea jartzen dute ezbaian. Hau irakurtzean Erdi Aroko Ahaide Nagusien gerrak eta mendekuak kantatu eta gauzatu zituzten euskal koblakariak emakumeak zirela ezin ahaztu.
Bigarrena Petruccioliren Medea da (BAO, 2026). Komikitzar honetan Petrucciolik duintasuna itzultzen dio Medeari, behar bada inoiz traizio handiena jasan duen heroia. Horretarako, Ulisse 31ko animearen traza errekuparatzen du, haien handi batean.
Iragana balore eta ideologia atzerakoiren ongarria bihurtu den honetan, mitoak pentsatzeko modu berriak guztiz beharrezkoak ditugu.
Gaur Irakurtzen hasi eta gaur amaitu dut 'Odol guztiak burdin gustua du' #komikia.
Komikizaleok hainbat komiki erreferentzia topatuko ditugu Euskal Herrian kokatutako komiki beltz historiko honetan. Harriet eta Carlos Varela oso ongi.
Info gehiago laister #Paperjale komunitatean.
Zuzenean entzuteko aukerarik izan ez bazenuten, David Zapirain botikaria piratei buruz, barka erredundantzia, orain diferituan:
https://guau.eus/m/euskadi-irratia-arratsean-20260409-2005
Davidek botika berri baten primizia eman zuen, nola du izena udara ondoren argitaratuko dugun lanak?
Oharrak:
+ Ahal baduzu izan pirata entzuteko plataforman 'izena' ematean.
+ Guk ez genuke inoiz 'album grafiko' esango. KOMIKIA DA.
'Le Cri du Peuple'
#komikia
https://fr.wikipedia.org/wiki/Le_Cri_du_peuple_%28bande_dessin%C3%A9e%29
Inoizko komiki gordin, sakon eta ederrenetako bat, #PariskoKomuna izan zen subjektu kolektiboari buruz, hainbat pertsonaien eta tramaren bitartez kontatua, 'Hitza Hitz' leloa (euskaraz frantsesezko testuan) oinarrian.
Berriro irakurri dut Parisera abiatu aurretik.
Ez dut inoiz nire #fanzine baten aurkezpen publikorik egin, beti azaldu dut prozesua azoketan edo lagunen artean.
Oraingoan baina, #Larrabasterra|ko #Auzoetxe|ko lagunek proposatuta, arratsaldepasa egingo dugu #Grezia|z, bidaiatzeaz, #prekarietatea|z eta fanzineetaz solasten :) #komikia
Pottokina printzipioa bada, hemen azalpena.
https://eu.wikipedia.org/wiki/Pottokinaren_printzipio
https://es.wikipedia.org/wiki/Principio_de_la_Pitufina?wprov=sfla1 #telesailak #komikia #smurfs #Pottokiak #animazioa #film #animation #zinema #series
#Zerocalcare komikigilearen liburu berri bat agertu da gazteleraz, "Más allá de los escombros".
Zuen galderei erantzunez, ez sufritu neska mutilok, zuek hau aspaldin irakurri duzue euskaraz, "hondamuinean" eta "hondamuinean 6 hilabete geroago". Jatorrizko edizioarekin batera ("macerie prime")irakurri ere, noski.
Beraz, erosi ez bazenuten euskaraz, ez joan orain liburudendetara bila, herriko liburutegira baizik.
'Piratak, demokraziaren etsenplu'
https://www.berria.eus/kultura/atlantikoko-piratak-demokraziaren-etsenplu_2152292_102.html
«Urrun gelditzen da piraten gaineko idealizazioa. Altxor ezkutuen bila marinel erroldatutako abenturazaleak baino gehiago, bortxaz errekrutatutako gazte txiro eta desanparatuak erretratatu dituzte komiki honetan, eta irakurleak haien patu txarraren, askapen nahiaren eta bizitza laburraren lekuko bihurtzen dira lehen orritik beretik.»
#HerioAnderearenTrapupean komikiari buruz Garbiñe Ubeda @berria|n.
