#komikiaeuskaraz

👋 Kaixo berriz!

🐘 Berriak zarete Mastodonen eta oraindik ez duzue aurkitu zuen intereseko lagunik? Nola ezetz!

Hiru aukera proposatzen dizkizuet:

1️⃣ Irakurri denbora-lerro lokala. Hemen aurkituko duzue: https://mastodon.eus/public/local
2️⃣ Bilatu zuen intereseko traolak, adibidez: #teknologia #liburuak #komikiaeuskaraz #elettipiak...
3️⃣ Bilatu lagunak mastodon.eus-eko profil publikoen direktorioan. Hementxe duzue: https://mastodon.eus/directory

🤳 Bihar gomendio gehiago.

😎 Eta gogoratu... gozatu bidaiaz.

Aritz Trueba botikariaren (gogoratu #Natasha) marrazki erakusketa bikaina ikusgai duzue Donostiako Ilustratzailearen txokoan, Aieteko Kultur Etxean:
https://kultursharea.eus/aritz-trueba-artistaren-erakusketa-donostiako-ilustratzailearen-txokoan-ikusgai-bihartik-aurrera/
Abenduaren 8 arte ikusgai.
#komikiaeuskaraz

Asteburua hasieran lo gutxi egin nuen, komiki honen irakurketak oroimenaren argi-ilunetara eraman nauelako. Ostiral gauean irakurtzen hasi eta larunbateko ordu txikietan liburua amaitu arte ezin izan nuen utzi.

'Ahanzturaren leizea' irakurri dut, ahanzturaren leizetik bizitza sorta bat ateratzen duen komiki bikaina. Denbora eta bizitza ezberdinen historiak maisuki josiz, Paternako hilerriko hobi komun baten irekitzea du abiapuntu, marrazki eta kontakizunerako gaitasun delikatu eta finarekin.

Zirrara sakona utzi dit gorputzean, historia biziki gogorrak kontatzen dituelako, baina baita denon oroimen-ahanzturaren amildegiaren ertzean jarri eta asko pentsarazi didalako.

Paco Rocaren eta Rodrigo Terrasaren komiki bikaina, Bea Montoriok eta Astiberrik euskarara ekarria (mila esker!).

#memoria #ahanztura #herritarronhistoria #komikia #komikiaeuskaraz #irakurketak

Bart lo gutxi egin dut, komiki baten irakurketak oroimenaren argi-ilunetara eraman nauelako. Oheratzean Irakurtzen hasi eta ordu txikietan amaitu arte ezin utzi.

'Ahanzturaren leizea' irakurri dut.

Zirrara sakona utzi dit gorputzean.

Paco Rocaren eta Rodrigo Terrasaren komiki bikaina, Bea Montoriok eta Astiberrik euskarara ekarria (mila esker!).

#memoria #ahanztura #herritarronhistoria #komikia #komikiaeuskaraz #irakurketak