Azal biguna, 152 orrialde
Euskara hizkuntza
2019ko abe. 28a(e)an Susa(e)n argitaratua.
Gineako hiriburutik Nzerekorera mila eta hirurehun bat kilometro daude. Ibrahima han ibili zen hiru edo lau urtez, kamioi batean, gidari batek aprendiz onartu zuelako. Aste batean Konakrytik Nzerekorera joaten ziren, eta hurrengo astean Konakryra itzuli. Egun batean amak deitu zuen arte: anaia txikia falta zen etxean. Eta haren bila abiatu zen. Basamortua gurutzatu; pasatzaile, polizia, bahitzaileekin topo egin; egarria, gosea, mina ezagutu. Afrikatik Europarako bidea. Mediterraneoa zeharkatzen dutenak deshumanizatzea ezinbestekoa da haien heriotzen, kanporatzeen, ilegalizatutako bizitzen gaineko ezaxola zabaltzeko. Baina bizitza horietako bakoitza bakarra da eta, beraz, unibertsala. Eta kontatzeak hori azpimarratzen du. Ibrahima Balderen bizitzaren kronika da nobela hau, hark ahoz eta Amets Arzallusek letraz idatzia. Berezia duelako zauria, eta berezia kontatzeko manera. Hitz egitean han balego bezala.
Oso ona. Protagonista aurrez aurre nuela sentitu dut maiz. Haren hizketaren erritmoa, bere nahasmenduen islada... Zirraragarria
Oso ona. Horrelakorik egia izan zitekeenik ez nuen pentsatzen. Protagonista ahoz entzuten nuela sentitu dut maiz, aurrez aurre izango banu bezala.
Maiz istorio bat datziz ematea ederra izaten da, baina, ahozkotasunaren arauak betetzen dituen istorioa idatziz ematea eta entzuten ari zalera iruditzea, ikaragarrizko plazera da. Horixe iruditu zitzaidan letu nuenean, aditzen ari nintzela Ibrahimaren boza. Hori, Amets Arzallusek soilik egin zezakeen. Esker mile, hain istorio latza idazteagatik Ibrahimari hizketan utziz. #PaperjaleZozketa
Istorio maitagarri eta hunkigarria, lehen pertsonan goxotasunez eta zuzenean kontatua, derrigorrezko emigrazioaren dramak biltzen dituen tristura eta krudelkeriaren testigantza emanez.
Egun bakar batez irakurtzeko moduko liburua. Errexa baina zaila aldi berean, kontakizunen garraztasunagatik. Barruak mugitzen dizkizu eta hausnarketarako bidea irekitzen laguntzen du. Oso gomendagarria eta beharrezkoa. #PaperjaleZozketa
Liburua irakurtzeko oso ulerterraza da. Horrez gain, Ibrahimaren istorio latzak hasieratik engantxatu ninduen eta milaka migratzailek sufritzen dutenaren beharrezko errelatoa iruditzen zait. Arrazismo eta aporofobia garai hauetan, ezinbesteko irakurketa. #PaperjaleZozketa
Ez dut inork ez dakienik esango. Dagoeneko denek dakizue, baina liburu bikaina da. Oso ona! Istorio gogorra eta tamalez pertsona askoren egunerokoa da. Inor ezin da ilegala izan. #PaperjaleZozketa
Errez irakurtzen den liburua izanik, oso hunkigarria iruditu zait. Kalean ikusten dugun edozein afrikar izan daiteke Miñan. Harrigarria Libiari buruzko pasarteak. Nire bururako pentsatu nuen, guzti hau pasatzen bazaio gazte bati, nola ibiliko dira hainbat emakume, horietako asko haur ttikiekin...
Ederra
Liburu bikaina!
Iparraldeko guztiok irakurri beharko genukeen liburua da hau.
Amets gure ikastolara etorri zen, ikasleek liburua irakurri zutenean. Kontakizun gogorra izan arren, gure familietako batzuek ere antzekoak pasa dituzte... Liburu hau ez da horrelakorik bizitu ez dugun europarrontzat bakarrik. Protagonistarekin identifikatu daitezkeen ume euskaldun ugarirentzat ere ari da izaten.
Eskerrik asko Ibrahimari ere, gogoratu nahi ez dena kontatzeagatik.
Guztiz gomendagarria. Benetan hunkigarria bezain gogorra Ibrahimaren bizitza, migrante askorena bezalaxe...
Guztiz gomendagarria. Benetan hunkigarria bezain gogorra Ibrahimaren bizitza, migrante askorena bezalaxe...
