Kritikak eta Iruzkinak

Laster Douro Arroan pasako ditugun egunetarako girotzen.

Itaka propioa du helburu komiki autobiografiko eder eta konplexu honek, denbora galdua berreskuratzea, erreferentziaz josia, eta ezagutza maila ezberdinetan irakurri eta ulertu daitekeena.

Literaturako lan eta egile konplexuenetakoak erreferentzia etengabean, Proust eta Joyce bereziki, familia harreman konplexuak, eta homosexualitatea bizi eta deskubritzeko bide ezberdin eta gatazkatsuaren inguruko aita-alaba harremana da Itakara bidea definitzen duena.

Spoilerra litzake, Itakara iristen den edo ez esatea, baina komikiaren egiturak, Pennsylvania eta New York arteko Mediterraneo itsasoa marrazten duela esan dezakegu. Umore beltz eta momentu pertsonal eta familiar zehatzez kontatua, adierazpen eta pentsamendu grafikoa oso aberatsa da.

Alabari oparitu nion komikia, eta nik irakurri dut aurretik (!). Etorkizuneko solasaldiak eraikitzeko balio duen tresna da.

Aspalditik irakurtzeko gogoz, eta gainera euskaraz daukagu.

#komikia #euskaraz #elegose #irakurketak

'Politeismo bastarta' liburua amaitu dut lau irakurralditan, kasualitatez Angela Davisen urtebetetze egunean (kasualitaterik ez da).

Gozatu dut metafisika propioa, errealitate lurreratuenarekin eta teoria bastartarekin lotzen dituen road trip bizia.

Panteoia zabaldu didazu @Jule!

Orain Buladak Wikipedian agertzea erronka... 💪🏾

#irakurketak #Holobionte #Bulada

Orain arte gazteleraz irakurri ditut Corto Malteseren abenturak, eta zirrara berezia sortzen dit 'Balada' euskaraz berrirakurtzeak. Goazen!

Sare libreen aroak, politeismora garamatza. Gaur irakurtzen hasi aurretik egunerokoen ibilbidean ezinbesteko bihurtzeko traza duen liburu bat @jule@mastodon.eus burkidearen hau. #irakurketak #politeismoa #bastartak

Eduardo Apodakak Talaios Liburutegirako oparitua, gogoz irakurtzen hasi naiz.

Durangon Kabe argitaletxearen postuan erosi eta fitxa sortu dut Paperjalen irakurtzen hastearekin batera.

Durangoko uztan ekarritakoa, irakurtzeko prest.

Asteburua hasieran lo gutxi egin nuen, komiki honen irakurketak oroimenaren argi-ilunetara eraman nauelako. Ostiral gauean irakurtzen hasi eta larunbateko ordu txikietan liburua amaitu arte ezin izan nuen utzi.

'Ahanzturaren leizea' irakurri dut, ahanzturaren leizetik bizitza sorta bat ateratzen duen komiki bikaina. Denbora eta bizitza ezberdinen historiak maisuki josiz, Paternako hilerriko hobi komun baten irekitzea du abiapuntu, marrazki eta kontakizunerako gaitasun delikatu eta finarekin.

Zirrara sakona utzi dit gorputzean, historia biziki gogorrak kontatzen dituelako, baina baita denon oroimen-ahanzturaren amildegiaren ertzean jarri eta asko pentsarazi didalako.

Paco Rocaren eta Rodrigo Terrasaren komiki bikaina, Bea Montoriok eta Astiberrik euskarara ekarria (mila esker!).

#memoria #ahanztura #herritarronhistoria #komikia #komikiaeuskaraz #irakurketak

Gaztelaniaz irakurri beharreko komiki ezinbestekoen zerrendan neukan, eta pozez ikusi dut euskaraz dagoela. Etxeko komiki bilduman dago.

Elegose irakurle taldearen bultzadaz, Montalban, Montalbano eta beste hainbat erreferentziaren bila hasiko dudan irakurketa.

Trieste liburuko guneetako bat denez @Aldatsa|k gomendatua, Anjel Lertxundik sinatua liburutegian dudala konturatu naiz. Irakurtzen hasi naiz.

Laster Triestera egingo dugun bidaiarako irakurketa eta erreferentzien bilaketa eklektikoan, gogoratu nintzen Anjel Lertxundik duela urte mordo bat Berrian idatzi zituela Italiara egindako bidaia baten kronikak. Berria egunkarian argitaratu zituen, baina ondoren Alberdania eta Berriaren artean liburu formatuan ere kaleratu zen, eta banekien etxeko liburutegian nonbait banuela. Bidai kroniken apalean aurkitu eta berehala hasi nintzen irakurtzen.

Literatura ardatz, Italia Iparraldean egindako bidaiaren kronikak dira, modu arinean kontatutako bidaia, erreferentziaz betea. merezi du bidaiak prestatzeko, edo italiarzale eta literatura zaleontzat etxetik mugitu gabe bidaiatzeko.

Aosta, Padua, Venezia eta Triesten behintzat jarraituko ditugu Anduren pauso eta kontakizunak.

Triesteruntz egingo dugun biderako irakurgai bila nenbilela aurkitu dut etxeko liburutegian. Gogoan dut kronika hauetakoren bat irakurri izana Berria egunkarian, orain bidea hasi aurretik osorikirakurriko dut. #bidean #Trieste