Corto Maltese - Itsaso gaziaren balada bat

, #1

by ,

Paperback, 176 pages

Euskara language

Published by Astiberri.

ISBN:
978-84-10332-13-3
Copied ISBN!
4 stars (2 reviews)

Lehen Mundu Gerra lehertzear dela, Rasputin pirataren katamaranak naufrago bat jasotzen du, bestela ezinbestez hilko zena: baten batek hankak eta eskuak lotu dizkio baltsa bati, eta jitoan dabil Ozeano Bareko olatuetan. Gizon horrek mito bihurtzeko moduko izena du: Corto Maltese. Zer egin ote du hain zigor krudela jasotzeko? Zer ezkutatzen ote du begirada misteriotsuaren atzean? Rasputinen eskuetan ausaz eroritako familia oneko bi gaztek ere, Pandorak eta Cainek, galdera bera egiten diote beren buruari. Ez dute sumatzen elkarketa horrek betiko markatuko dituela beren bizitzak, baita milioika irakurlerenak ere.

Astiberrik euskaraz argitaratu du Itsaso gaziaren balada bat, Corto Maltese pertsonaia mundu osoan ezagutarazi zuen lehen komikia, Hugo Pratt marrazkilari entzutetsuarena. Serie hau gaurkotasun handikoa da beti, eta orain beste serie bat dago aurreprodukzio-fasean, Rainbow estudio italiarrarekin sinatuta; kasu honetan, irudi errealen bidez egina.

1 edition

reviewed Corto Maltese - Itsaso gaziaren balada bat by Hugo Pratt (Corto Maltese, #1)

Kresala

4 stars

Igual aldez aurretik sujestiñua nekalako, ona zala eta ona zala...? Etxuat uste: izan be, halako aurreiritzixak kontrako efektua izaten juek (hobia espero, benetan dana baiño) eta hamen ez dok-eta halakorik gertatu. Kresal usain eta sabore sarkor eta zahar hori jaukak liburu honek, eta berau dastatzeko irakorketa geldo, meta-billaketadun eta errepasuekin (Umberto Econ prologua-eta) eskatzen jok. Juan dan 40 bat urtian izan juat Corto Maltesen barri (ikonuak, erreferentziak, ni-baiño-nagusixaguendako-ziran-komikixak...) baiña, oiñ arte, etxuat bere historiarik irakorri. Zelako suertia, e? Ondiok halako gauzak deskubridu ahal izatia.

reviewed Corto Maltese - Itsaso gaziaren balada bat by Hugo Pratt (Corto Maltese, #1)

Klasiko bat, antza (horregatik animatu naiz)

3 stars

Txikitan hainbat "komik" irakurritakoa naiz; "nobela grafikoak" ere bai. Akorduan dut gustatu egiten zitzaizkidala. Gaur egun apenas irakurtzen ditut eta kosta egiten zait engantxatzea.

Corto Malteserekin sentsazio bereziak ditut: orain arte ezer gutxi irakurri dut haretaz baina interesatzen zait pertsonajea... kutsu harroputz eta ganberroa du, funtsean pertsona ona dela transmititzen badu ere. Esango nuke sare sozialetan bere irudia erabiltzen duten 3-4 pertsona ezagutzen ditudala ;-) Zeozergatik izango da.

Istorioaz ezer gutxi. Ongi, besterik gabe.

Itzulpena... ona! Zati batzuk bikain! (indigena era berezian hitz egiten duela adierazteko, ondarrueraz berbetan jarri dutenean, adibidez) Esango nuke horrek lagundu egin didala liburua amaitzen.

Lists