Erabiltzailearen profila

@jogerka nik hau irakurri nuen paperjale.eus/book/41632/s/el-poder-del-ahora Uste dut zuk aipatu duzuna bigarren partea-edo dela. Esango nuke nire familian irakurri dutela, baina lehenengoarekin nahikoa izan nuen nik.

Sarritan kritikatzen dira autolaguntza liburuak ezker politikotik, ez dutelako sufriarazten digun sistema kritikatzen. Ez dutelako gizartea antolatzera bultzatzen, baizik eta norbanakoen ardura gisa jartzen duelako sufritzea edo ondo funtzionatu eta bizitza konpontzea (psikologikoki izorratuta dagoen jendeari gainera...).

Ulertzen ditut kritika horiek, eta nik ez ditut mota horretako liburuak irakurtzen normalean, baina liburu honekin dezente flipatu nuen (gazte samarra nintzen irakurri nuenean). Sekta bateko burua izan liteke idazlea, arazorik gabe. Ni une batzuetan irabazi ninduen... bizitza modu desberdinetan bizi daiteke: ohikoena da gure ideietan murgilduta egotea, nahiz eta begiak eta belarriak adi eduki, ez gaude benetan errealitatean... Orainean bizitzeko saiakera egiten dut tarteka, baina ez dut ia batere eusten hor, egia esan. Zuk?

Gomendatzen dut liburu hau!

Eskutitzen ideia ze ona, hasierarako!

Ostra, espero baino potoloagoa da! Ea zer moduz... 😬😋

Eleberri grafikoa ez da seguruena nire formatu faboritoa, baina gustura murgildu naiz berriro Sofiarekin abentura filosofiko honetan. Ez dut baztertzen jatorrizkoari beste buelta bat ematean. Bigarren atalaren zain!

non me gusta o estilo deste autor, faime bola e leo forzado.

"Dringilin don, bataren gaitza, bestearen on"

"Askoren mina, txoroen atsegina"

"...hain zintzoa! (...) Egurmendiren emaztea izateko (nolakoari halako), ez ote zen ba..."

"Burdina ere, esan ohi den bezala, bero dagoenean jo behar da..."

"Txomin (txori bakoitzak bere habia amets) handiki haien artean, lotsati."

"Batek bere kokotsa eta beste batek bere begi-ondoa (...) goxatu zuten... Haginean min duenak, mingaina hara..."

"Nonbaiteko esaera zaharrak ere honela dio: susmo txarrak sortu itzazu eta asmatuko duzu"

"Badakigu ez direla urrezkoak izaten pitxi distiratsu guztiak, baina zenbat aldiz ahaztu izan zaigu usain txar guztiak ere... ez direla gorotzezkoak izaten?"

Askoz ere gehiago dago liburuan, etengabe erabiltzen dituen esamolde motz pila bat ez ditut jaso.

Liburu honetan ikusten ditudan esaera zaharrak hemen jasotzen saiatuko naiz (batzuen kasuan, euskaraz tradizioa zuten edo egileak erdaratik nobela honetan euskaratu zituen, ez dakit).

Kontatzen zaigun istorioa oso interesgarria dela esaten hasiko naiz, eta amaiera, nire ustez, ez dela aurreikusteko modukoa. Erritmoa ere ona da, eta pertsonaiak, oso ñabardura gutxirekin bada ere, ondo ekarrita daude. Berez, ondo funtzionatzen duen thriller baten eta euskarazko lehen nobela beltzaren aurrean gaude eta ezin dugu epaitu gaur egungo literaturatik.

#HamabostEgunUrgainen liburuaren harira, aipatu behar den lehenengo gauza da euskara batuaren sorrera (1968) baino lehenagokoa dela (1955). Zentzu horretan, ziur naiz Ereinek oso lan ona egin duela hizkuntza egokitzerako orduan, egungo euskaldunok liburu honetaz gozatzeko aukera izan dezagun. Hala ere, liburua irakurtzerako orduan, nire sentsazioa da aizkorakadaka idatzi zela. Baina, ulergarria da eta ez da liburua irakurtzen jarraitzeko gogoa kentzen dizun zera bat, beraz, bitxikeria gisa aipatzen dut. Baina aipatu nahi nuen. 🫶

Euskal literatura gustuko baduzu, liburu hau disfrutatuko duzu, beraz animatu irakurtzera.

@mrkortabarria entzun izan dut liburu hau asko gomendatu izan dela euskaltegietan. Egunen batean irakurri beharko dut!

@desertorea ei! Ingelesez irakurri nuen nik eta eszena bat gogoratzen dut... paperjale.eus/book/4958/s/the-martian-chronicles hor deskribatzen dut pixka bat. Irakurtzen ari zarela pasarte hori aurkitu duzula uste baduzu, esan mesedez zein orritan den gutxi gorabehera!!