Zaldi bat ihes garrezko zelaian

Euskal prentsak ekarritako zenbait kronika gogoangarri (1869-2000)

,

Azal biguna, 328 orrialde

Euskara hizkuntza

Argia(e)k argitaratua.

ISBN:
9788409453382
4 izar (berrikuspen 1)

Liburu honetako testuen patua altxor bilakatzea zen. Alegia, lurpean gordeta geratzea. Gure ahanztura handia pixka bat desjabetzea erabaki du Koldo Izagirrek ordea, urrea denon artean banatzeko. Euskal prentsaren historiako kronika gogoangarri hauek erreskatatu ditu, nekez irakur zitezkeen lekuetatik atera eta hemen bildu, edonoren esku egon daitezen.

Harritu egingo dira asko, paper horien artean agertu dena ikusita. Konturatuko baitira sinetsi ohi duguna baino askoz gehiago, originalago, adierazkorrago, zorrotzago idatzi zutela euskal kazetariek oraingo garaien aurretik. Eta ikusiko dutelako kronika aldarrikatu beharreko generoa dela gure prentsarentzat, baita literaturarentzat ere.

Kontaera librean, liburu honetako testuen bidez ezagutuko dituzu atzerriak eta aberriak; gerrak, kartzelak, hilerriak; bidaiak, festak, erromeriak; ekaitzak, elurrak, itsaso zakarrak. Mende batez baino gehiagoz, ikusitakoak eta bizi izandakoak kontatu dituzten kronikariek herri honen modernitaterako bidea deskribatu dute: zaldi bat ihes garrezko zelaian.

Edizio 1

(e)k Koldo Izagirre(r)en Zaldi bat ihes garrezko zelaian kritika egin du

  • Eka 3
  • Eka 3(e)an editatua
  • Publikoa

Denboraren makina dira kronikak

4 izar

Historiako beste garai batera eramaten zaituzte kronikek. Euskara garbizalea nabaritu dut lehen kroniketan, adibidez. Asmatu ziren hitz haietako batzuekin. Baina ez zait deserosoa ere suertatu. "Oldoztu" hitzaren maiztasunak harritu nau, ez dakit asmatua den, "pentsatu" esan nahi omen du.

Koldo Izagirrek bildu ditu aurkitzeko zailak ziren testu (historiko + literario) hauek eta Berria eta Argian bertan egindako elkarrizketak interesgarriak dira. Baita Gorka Bereziartuaren hitzaurrea ere, kronikak balioesteko.

Kapitulu motz-motzak bezala dira, batzuk ez zaizkit gustatu, baina gehienak bai. Batzuekin flipatu ere egin dut (baina ez dut esan nahi zeintzuekin... 😄). Gomendagarria!

Zerrendak

Lortu kopia bat