¡SON LOS MONSTRUOS LOS QUE TENDRÍAN QUE ESTAR ASUSTADOS!
Cuando empiezan a desaparecer los niños …
Honek Netflix-en bukatuko du, fijo
5 izar
Asko gustatu zait komikia, agian zerbait txarra aipatzeagatik dena oso azkar gertatzen dela. Baina beste 5 liburu daudela kontutan hartuta, hari desberdinek egingo dute beraien bidea. Ikaragarria da zelan dagoen marraztuta odola!! Umeentzat dirudi, baina ez da. Edo bai.
@birasuegi independienteki irakurri dezakezu eta zentzua dauka bere horretan, baina gomendatuko nizuke lehenik eta behin Esan gabe doa irakurtzea. Uste dudalako zure gustukoa izango dela eta osotasuna ematem diolako bigarren honi.
Amodioaren gazi-gozoa dakarkigu Joan Mari Irigoienek eleberri eder honetan; maitasuna baita pertsonaien motor eta akuilu, …
Irakurlearen bihotzean eta buruan aztarna utziko duen liburua
5 izar
Liburu gogorra, oso gogorra, baina hain da ederra... Joan Mari Irigoienek bere hitzen bidez giza sentimenduak transmititzeko zuen gaitasuna benetan harrigarria baita. Liburu honetako orrialde bakoitzak zirrara sakon eta benetakoa eskaintzen dio irakurleari, eguneroko bizitzarekin eta giza existentziaren dilema unibertsalekin elkartzeko gonbidapena delako: bizitza, heriotza, sufrimendua, laguntasuna, era askotariko maitasunak, zaintza, familia-harremanak... Bere hitzen bidez, Irigoienek gure gizadiaren sakonena esploratzera gonbidatzen gaitu, gure emozioen edertasuna eta hauskortasuna gogoraraziz, baita maite izan ditugun, maite ditugun eta maiteko ditugun horiek gogora ekartzera ere.
Irakurlea narratiban hain sakon murgiltzea lortzen du, zaila baita untxiaren zulotik ez erortzea. Bere pertsonaiak izugarri garatuta daude, maila pertsonal eta historikoan, eta badirudi orrialdeetatik salto egiten dutela.
Sortzen duen enpatia giza sentimenduen konplexutasuna ulertzeko eta islatzeko zuen gaitasunaren erakusle izan behar du. Bestela, nekez lortuko luke hau guzti hau. Ez dut zalantzarik, liburu hau luzaroan egongo da nire oroimenean.
Amodioaren gazi-gozoa dakarkigu Joan Mari Irigoienek eleberri eder honetan; maitasuna baita pertsonaien motor eta akuilu, maitasuna halaber beren buruhausteen iturburu. …
Ahoz kontatu eta belarriz jasotako testuak dira. Norbaitek apartatu ditu eguneroko bizitzako gertakari-sailetik eta gorde …
Ez da niretzat
3 izar
Onartu behar dut ipuin-liburuak ez direla nire gustukoenak izaten eta @elegose@mastodon.eus-en irakurri izan ez banu, seguruenik ez nukeela irakurriko. Liburu hau bere horretan ipuin-liburu gisa sailkatuko ez banu ere, anekdotaz beteriko istorio ugari aurkezten ditu, gai-multzo desberdinetan antolatuak, eta gai komunak jorratzen dituzten arren, elkarren artean loturarik ez dutenak. Liburu hau irakurtzen ari nintzela, Gabonetako afari bat imajinatzen nuen, bereziki nire gustukoa ez den jai bat. Hala ere, onartzen dut afari horiek batzuetan irribarre bat edo beste ateratzen didatela, istorio hauetakoren bat bezala. Hala ere, hori ez da nahikoa izan irakurketaz erabat disfrutatzeko.
Hori bai, azpimarratu behar dut idazteko modua oso berezia eta aintzat hartzeko modukoa dela, nire uste apalean.
Ahoz kontatu eta belarriz jasotako testuak dira. Norbaitek apartatu ditu eguneroko bizitzako gertakari-sailetik eta gorde ditu memoriaren kaiolatxoan. Min edo …
Internet era nuestra. Nos la robaron entre quienes viven de extraer nuestros datos personales y …
Oso gomendagarria
5 izar
Liburu honen bertute handienetako bat edozein irakurlerentzat eskuragarri izatea da. Ez da beharrezkoa aldez aurretik interneti edo sareei buruzko ezagutzarik izatea, idazleak transmititzen duen mezu erabat politikoa ulertzeko. Arlo tekniko-politiko horretan esperientzia dugun pertsonok (Martak liburuan aurkeztutako adibide asko lehen pertsonan bizi genituelako edo haietako beste batzuk eraikitzen jarraitzen dugulako), eduki bereziki gozagarria aurkituko dugu eta, zergatik ez aipatu, agian nostalgiko jartzeko modukoa ere bai. Hobe ez.
Liburua oso interesgarria da, batez ere azken zatian, non gaur egungo proiektu ukigarriak deskribatzen diren, hala nola fedibertsoa (Abaraskak kudeatutako instantzia hau ere, adibide bikaina izan liteke). Bi gogoeta bereziki probokatzaileak suertatu zaizkit: lehenik, internet hiru aldiz lapurtu digutela esatea. Ez dakit zehazki hiru izan ote ziren edo gehiago izan diren, baina egia esan, EAEn sarearen lapurreta fisiko bat ere jasan genuen, beraz denbora asko egon naiz horren inguruan hausnartzen. Sakonki pentsarazi didan bigarren gogoeta software librearen gobernantza-ereduari buruzkoa da. Hau eztabaida bizia …
Liburu honen bertute handienetako bat edozein irakurlerentzat eskuragarri izatea da. Ez da beharrezkoa aldez aurretik interneti edo sareei buruzko ezagutzarik izatea, idazleak transmititzen duen mezu erabat politikoa ulertzeko. Arlo tekniko-politiko horretan esperientzia dugun pertsonok (Martak liburuan aurkeztutako adibide asko lehen pertsonan bizi genituelako edo haietako beste batzuk eraikitzen jarraitzen dugulako), eduki bereziki gozagarria aurkituko dugu eta, zergatik ez aipatu, agian nostalgiko jartzeko modukoa ere bai. Hobe ez.
Liburua oso interesgarria da, batez ere azken zatian, non gaur egungo proiektu ukigarriak deskribatzen diren, hala nola fedibertsoa (Abaraskak kudeatutako instantzia hau ere, adibide bikaina izan liteke). Bi gogoeta bereziki probokatzaileak suertatu zaizkit: lehenik, internet hiru aldiz lapurtu digutela esatea. Ez dakit zehazki hiru izan ote ziren edo gehiago izan diren, baina egia esan, EAEn sarearen lapurreta fisiko bat ere jasan genuen, beraz denbora asko egon naiz horren inguruan hausnartzen. Sakonki pentsarazi didan bigarren gogoeta software librearen gobernantza-ereduari buruzkoa da. Hau eztabaida bizia da gutako askorentzat, software libreko proiektuetan lan egiten dugunontzat, baina zoritxarrez ez guztientzat. Erabat ados nago gobernantza-eredu demokratikoak imajinatzea funtsezkoa dela komunitate horietan; izan ere, horietako batzuk ez dira onartu nahi genukeen bezain demokratikoak, Martak planteatzen dituen parametroetan aztertuz gero.
Laburbilduz, liburu honek interneten egungo egoerari buruzko ikuspegi argia eta ondo argumentatua eskaintzen du, eta dagoeneko irudikatzen, borrokatzen eta sarea aldatzen ari diren proposamenak argitara ekartzen ditu.
Guzti hori interesgarria iruditzen bazaizu, liburu hau zuretzat da.
Antes de ser elevada por el cine y por innumerables series de novelas a uno …
Gauza batzuk gustatu zaizkit eta beste batzuk ez horrenbeste
5 izar
Zalantzarik gabe, liburua bikaina da. Baina baditu argiak eta ilunak. Alde batetik, beharbada, nire bizitzan irakurri dudan beldurrezko libururik ederrena da, oso ondo idatzita dagoelako (antsietatea baduzu, ez irakurri), eta, bestetik, inoiz irakurri dudan libururik matxistena ere izan da (oso matxista da).
Istorioa oso ezaguna da, eta ez naiz bertan sartuko, baina Drakula hasieran izan ezik oso gutxi agertzen dela iruditu zait.
Nolanahi ere, istorioak, pertsonaiek, kontatzeko moduak, girotzeak, neurri batean, zati ilun guztiak konpentsatzen dituztela uste dut.
Han llegado del espacio exterior, de Marte. Equipados con terribles máquinas, los invasores aterrizan en …
Egia esan nahiko epel utzi nau
4 izar
Gustatu zait erakusten duen irudimenagatik, pentsa 1898an idatzita dagoela, eta bereziki gustatu zait protagonistaren sakontasuna edo anaiaren pertsonaia Londresen gertatutakoa garatzeko. Baina heldu da momentu bat, non bukatu nahi nuen. Espekulazio biologikoaren inguruko zatiak nahiko astunak egin zaizkit (dagoeneko aipatuta eta azalduta zeuden gauzak behin eta berriz ekarriz). Bukaera ere ez da nire gustukoa izan, beste gauza bat espero nuen...
