Reviews and Comments

Aupa @elegose@mastodon.eus! Oraintxe @josebagabilondo@mastodon.eus​ren #IndependentziarenDekalogoa liburuari ekiteko prest. Blogean aurrerapen gisa argitaratu zituen ipuinetako batzuk irakurri nituen. Azken emaitza nolakoa den jakiteko gogoarekin!

Platonen kobazuloaren mitoa aipatzen da kritiketako batean. Esku artean dugun liburuak ere badu horretatik. Irakurgai ditugun kritikak dira ustezko jatorrizko liburutik jasotzen ditugun itzalak, ezin baitugu hura zuzenean ezagutu. Isla horiek badute fidagarritasunik? Zenbaterainoko zehaztasunez berreraiki dezakegu jatorrizkoa horietatik abiatuta?

Ez da hori Ibarbiaren liburuari egindako kritiketan irakurritakoak eskuartean dugun liburu fisikoari ere aplikagarriak zaizkion aldi bakarra, nire ustez. Liburu bitxia da, oso "meta", nolabait esateko. Ez da eleberri bat, eta ez du beharrik ere, irakurtzeko interesa piztu eta mantentzeko.

Liburuaren amaiera aldera iruzkingileetako batek dioen bezala, "zuzentzera nator nire hasierako iritzia: nobela bikaina da Silueta. Irakurri beharrekoa. Eta, batez ere, iruzkindu beharrekoa". Ildo horretatik, infinituraino jarraitu dezakegu, liburuaren kritiken kritikak eginez. Nire gomendioa, zuk ere irakurri, gozatu, kritika egin, eta katera batzea.

Persepolisek ondo irabazia dauka komiki bikainaren ospea. Asko gustatu zait Marjane Satrapik nola kontatzen duen Irango historia bere bizitzako pasarteen bidez. Niretzat erabat ezezaguna zen Iran bat aurkitu dut: ideia ezkertiarretako jendea, protestak, musika estilo berrien sarrera (punk, heavy, pop...), fundamentalismo erlijiosoaren inposizioaren aurkako erresistentzia, errepresioa... Izorraki handirik egiteko asmorik gabe Europan bizi deneko zatia ere oso interesgarria.

Harkaitz Canoren ipuin-liburu, komiki eta eleberri batzuk irakurria naiz, eta gustura gainera. Oraingo honetan benetan liburu bitxia osatu du. Lehen bi atalak/kritikak irakurrita, existitzen ez den jatorrizko eleberriaren puzzlearen piezak nire buruan kokatzen saiatzen.

«1929. urtea, baserri giroa, eta, gau ilunaren erdian, ama-alaba batzuen heriotza» abiapuntu dituen «euskal pop noir» komikia. Interesgarria iruditu zait. Olentzerori eskatu beharko diot ;) www.berria.eus/kultura/kontrako-eztarritik-fin-baina-etengabe-sartzen-den-istorio-honek-kontua-eta-zikina-oihukatzea-eskatzen-zuen_2150796_102.html?utm_source=Mastodon&utm_medium=Sare_sozialak_CM @berria@mastodon.eus bidez

#Akabo liburuak harrapatu nau eta gustura irakurri dut. Interesgarria iruditu zait nola josten duen istorioa txandakatzen diren orainaldiko eta lehenaldiko atal laburretan.

Pertsonaiei dagokionez, ez naiz horren positiboa. Manuren "informatikokeriak" oso karikatureskoak iruditu zaizkit, sinesgarritasuna kentzeraino. Ez naiz xehetasunetan sartuko izorrakirik ez egiteko, baina Sheenaren jokabide batzuk ere sinesten zailak egin zaizkit.

Eguerdiko bisita gidatua eta solasaldia bikain joan dira. Oso gomendagarria. "Hurrengoan ea lortzen dugun Ponsol-en dendara sartzea" esan du Joxan Oiz Arrutik. Beraz, badakizue, liburua gustuko baduzue adi egon deialdiei eta lehenbailehen izena eman, itxaron zerrendan geratu baita jendea. Horrekin zorrotzak dira, 25 lagunentzat zen bisita gehienez eta beste hainbeste entzungailu zeuden. Gainerakoak gogoarekin geratu behar.

Liburuaren kritika egin nuenean esan nuen Ponsolen abentura gehiago irakurri nahiko nituzkeela. Gaur idazleak gaia aipatu du eta atea irekita utzi du. Orain XX. mendean girotutako beste proiektu batekin dabil buru belarri, baina "zuek Amazurtza liburua oparitu jendeari eta..." :)

Berriz irakurtzen ari naiz, fresko eduki nahi dudalako bihar Joxan Oiz idazleak gidatutako #Amazurtza nobelan agertzen den Donostiari buruzko literatur ibilaldirako.

@elegose@mastodon.eus irakurle taldean iraileko liburua izan zen Laura Mintegiren #Akabo. Berandu bada ere hasi dut nik ere. Oraingoz ondo. Interesgarria da bikotearen hasiera eta "amaiera" lotzen dituen txandakako atalen haria.

Joxe Azurmendi hil zenean aitortu nuen bezala orain arte ez dut bere liburu bakar bat ere irakurri. Jaso nituen gomendioetan oinarrituta Espainolak eta euskaldunak liburuari ekin diot. Oraingoz gustura, baina erromanizatu gabeko euskaldun barbaro honek eskertuko luke latinezko esaldien euskarazko itzulpena oin-ohar bezala edo eskura edukitzea. Institutuan urtebetez eman genuen latina ahaztua dut eta ezin askorik ulertu. mastodon.eus/@aldatsa/114796715895909538

Irakurtzen hasi nintzenean aipatu nuen bezala katalan pixka bat ikasiz entretenitzea zen asmoa. Helburu horiek beteta. Hala ere, spoiler handirik egiteko intentziorik gabe kritika pare bat. Batetik, liburuaren hariak jira eta bira asko ematen ditu, eta harrapatu nau, baina aldi berean ez zait sinesgarria iruditu hainbesteko antolakuntza mafioso boteretsuak egotea herri txiki, itxuraz lasai, horietan. Bestetik, narratzaile orojakileegi eta berritsuegia jasangaitza egin zait, gehiegi sartzen da, gertatzen ari denaren inguruko iritziak ematen ditu... Adibidez, honela dio hasierako kapitulu baten amaieran: "Zalantzarik gabe, Gerard eta Nuriak ez daukate ideia izpirik ere non sartzen ari diren".

Lleida mendialdeko Aigüestortes eta San Maurizioko Parke Nazionala leku ederra da mendi bueltak emateko. Vall Fosca (haran iluna) parkearen hegoaldean dagoen haran bat da. Bertan kokatua dago eleberri beltz hau. Asmoa katalan pixka bat ikasiz entretenitzea da.

Corto Maltese izena askotan entzun dut, badakit oso komiki ezaguna dela, baina oraindik ez dut irakurri. Irene Hurtado de Saratxo Mendieta (@irene_hitzek@mastodon.eus) itzultzailearen hari honek bultzatuta gehitu dut irakurri nahi ditudan liburuen zerrendara: mastodon.eus/@irene_hitzek/115173325203710154

Izenburuak dioen bezala, #IrailekoZazpiEgun liburuko kontakizuna iraileko lehen zazpi egunetan gertatzen da, atal bat eguneko. Modu berean irakurriz liburua denbora errealean bizitzeko erronka bota zuen @adurjokoa@mastodon.eus idazleak, bere mezua bultzatzen zutenen artean hiru liburu zozketatuz: mastodon.eus/@adurjokoa/115044912482695753

Esperientzia polita izan da. Liburua gozatu dut eta plazera izan da egunero beste irakurleen iruzkinak irakurtzea Fedibertsoan.

Iruzkin horietan behin baino gehiagotan aipatu nuen bezala liburuak momentu askotan "point and click" estiloko abentura grafikoak ekarri dizkit gogora. Horrelako bideo-joko bat garatzeko material egokia iruditzen zait.

Atzo hasi nuen liburua, @adurjokoa@mastodon.eus​ren erronkari eutsiz: Irailaren 1etik 7ra, biak barne. Zazpi atal, zazpi egun, eleberri bat. mastodon.eus/@adurjokoa/115130849284193664 #IrailekoZazpiEgun #IrailekoZazpiEgunErronka