Kritikak eta Iruzkinak

Aspalditik etxeko apalategian zegoen liburua baina ez zitzaidan erakargarriegia iruditzen. Azkenean irakurtzera animatu eta asko gustatu zait.

Atxagaren Obabakoak irakurtzen saiatu izan naiz baina aspertu eta beti bukatu izan dut liburua alboratzen. Honekin berdina gertatuko zitzaidala uste nuen baina ez da hala izan.

Oso erraz irakurtzen da eta asko gustatu zait.

Hasiera batean irakurtzeko zaila eta astuna egin zitzaidan, baina aurrera zoazen heinean istorioan barneratuz zoaz. Elementu, garai eta pertsonaiak nahasten ditu eta ongi kokatzea kostatzen da baina aurrera jarraitzeak merezi du. Ez nekien liburu honetan zer aurkituko nuen eta oso sorpresa atsegina izan da. Bukaerak benetan hunkitu nau eta irakurtzea maite duen edonori gomendatuko nioke.

Oso liburu ona, hemendik denbora batera bigarren irakurketa bat merezi duen horietarikoa <3

Oso azkar irakurtzen den liburua. Istorioak azkar harrapatzen zaitu eta oso gustora irakurtzen da.

Izugarri gustatu zitzaidan eta oso dibertigarria iruditu zitzaidan. %100ean gomendatuko nuke

Ez nuen inoiz halako libururik irakurri eta oso interesgarria iruditu zait. Erraz irakurtzen da

Asko gustatu zait eta oso dibertigarria iruditu zait. Gomendatuko nuke

Karmele Jaiok maitasunei eskaintzen die liburua. Askatasunaz, maitatzeko moduez, desirez, indarkeriaz, maitasunaren eraikuntzaz, beharrez, adiskidetasunaz, feminismoaz, sexuaz... aritzen da.

Oso modu trebean, bete-betean asmatzen duela esango nuke. Azaltzen hain zailak izan daitezkeen baina era berean guztiok noizbait bizi eta sentitu izan ditugun egoerak azaleratzen ditu.

Arte eta literaturak leku berezia dute gainera liburu honetan. Erreferentziaz betea, hausnarketara eta barnera begiratzera gonbidatzen gaitu beste behin idazleak.

Niri pertsonalki asko gustatu zait. Jaioren aurreko lanen haria jarraitzen duela erranen nuke, gaiaren konplexutasunetik istorio eder bat ateraz.

Irakurtzeko oso erraza egin zait eta zalantzarik gabe (eta bereziki bere beste liburuak gustoko izan badituzu), gomendatuko nuke.

Gehiago espero nuen... Ez da beste munduko ezer.

Behin baino gehiagotan gomendatu izan didate liburua eta orain arte irakurtzeko momentua atzeratzen aritu naiz. Ingurukoen iritzi hain onen ondorioz espektatiba altuak nituen eta akaso horregatik ez zait hainbesterainokoa iruditu. Hala ere, oso erraz irakurtzen den liburua da, egun bakar batean hasi eta bukatzekoa. Misteriozko polizia nobela txukuna, arina eta trama interesgarriarekin. Oso gomendagarria iruditzen zait, baina, aukeran, hobe espektatibarik gabe hartzen baduzu liburua... Orduan bai, ziur asko gustatuko zaizula!

Kritika bat idatzi nezake baina...irakurri eta listo. Eva Lunarekin batera, idazle honen beste liburu zoragarri bat!

Nire libururik gustokoenen artean, zalantzarik gabe. Irakurri ez baduzue...zeren zain zaudete?

Elena Ferrante goitizenaren atzean nor ezkutatzen den zehazki ez dakigun arren, deskribapenetarako gaitasun paregabea duen idazle batekin topo egiten dugu.

Nik italieraz irakurri nituen tetralogia honetako lau liburuak baina Igela argitaletxeak euskarara itzulita argitaratu ditu. Napoli inguruak eta protagonistaren bilakaera gertu gertutik ezagutzeko aukera ematen digu testuak, behin eta berriz itzultzeko moduko bidaia polit polit bat!

Pertsonaia desberdinen ikuspuntu eta bizipenak azaltzen ditu oso modu arinean. Irakurtzeko oso erraxa da eta barreneraino sartzen zaizun liburu horietako bat dela erranen nuke. Gero, norbere bizipen, balore, pentsaeren...arabera, hausnarketarako, autokritikarako edota gizartean normalizatuta dauden zenbait jokaerekiko ikuspuntua zalantzan jartzeko balio dezake.

Irakurketa nahiko motela eta astuna egin zait eta liburuak ez dit deus erran.

Kontaketa laburrez osatuta dago liburua. Oso errex irakurtzen da eta denetariko istorioak jasotzen ditu. Pertsonaiak irudika ditzazkezu, bai eta haien solas egiteko modu eta izaerak ere. Dibertitu, hausnartu, hunkitu... denetariko emozioak sentitzen ahalko dituzu irakurketan zehar. Ohiko nobeletatik desberdintzen den altxor kutttuna ekarri digute Uxue eta Begoñak.