Erabiltzailearen profila

Liburuei buruzko liburu hau martxoan hasi nuen. Geroztik, egun batzuetan ataltxo bat irakurri dut, beste batzuetan bi edo hiru. Liburu hau ireki gabeko egunak ere ez dira gutxi izan. Bitarte horretan liburu mordo batekin jarri dizkiot adarrak. Ez dut uste Irene Vallejori gaizki irudituko litzaiokenik, paperjale amorratua dela argi geratu baitzait.

@Alex @mikelgs Ez dakit nahituta den aukerarik onena, ez naiz ausartzen hainbeste esatera. Edozein kasutan, zati hori irakurri nuenean argi geratu zitzaidan italiera/siziliera joko bat zela eta gustatu zitzaidan. Spinno ez nuke utziko. Hori seguru. Eta gura ere ez nuke erabiliko, batez ere mendebaldean erabiltzen bada ere gogo bezain batua delako 😜

Irakurri dudan Andrea Camilleriren lehen liburua izan da #GauarenUsaina eta aurrekoan Anjel Lertxundiri buruz esan nuen bezala, gehiago irakurtzeko gogoarekin geratu naiz. Euskaraz Montalbano komisarioaren beste bi eleberri omen daude, biak Igelak argitaratuak: * Uraren forma (La forma dell'acqua), Ander Irizarrek itzulia 2012an. Saileko lehen liburua. www.igela.eus/liburua/uraren-forma/ * Hilabete bat Montalbanorekin (Un mese con Montalbano), Fernando Reyk itzulia 2011an. Ipuin bilduma www.igela.eus/liburua/hilabete-bat-montalbanorekin/

Bestalde, @Alex​ek bezala nik ere #GauarenUsaina​ren telebistarako egokitzapena ikusi dut eta iruzkin bikain honetan esaten dituenekin oso bat nator. Paperjalen ikusi dudan iruzkin onena da: paperjale.eus/user/Alex/review/13594/s/gauaren-usaina-hainbat-bitxikeria#anchor-13594

Telesaila RTVE Play-n aurkitu dezakezue. Nire gomendioa, italierazko jatorrizko audioa gaztelerazko azpitituluekin ikustea: www.rtve.es/play/videos/el-comisario-montalbano/olor-noche/6655829/

Montalbano detektibearen eleberriei buruz gauza on asko entzun ditut eta banuen gogoa bere liburu bati ekiteko! #GauarenUsaina @elegose@mastodon.eus

Duela urte asko ingeles dexente ikasi nuen Sherlock Holmesen abenturak irakurtzen. Frantsesari Lupinekin ekin diot. Orduan hiztegi batekin moldatu nintzen, orain gaztelerazko itzulpena izan dut lagun, oso oinarrizko maila baitut. Hala ere, Sherlock detektibearen eta Lupin lapur gentlemanaren dueluarekin gozatu dut, eta amaieran hasieran baino zertxobait gehiago ulertzen nuela iruditu zait. Ez da izango frantsesez irakurtzen dudan Lupinen azken abentura izango!

Kritikaren izenburuarekin dena esaten dut. Irakurri nion lehena gaztetxoentzat argitaratutako Eskiatzaile herrenaren kasua izango da seguraski. Gero, aspaldian Hamaseigarrenean aidanez eta Tobacco days irakurri nituela gogoan dut. Duela hiru urte, @elegose@mastodon.eus irakurle taldean #ItzulizUsuBegiak saiakera gozatu nuen. #IhesBetea bikaina iruditu zait. Zein irakurriko dut hurrena? Bere lanen zerrenda luzea da zorionez, eta osatzen jarrai dezala urte askoan!

Liburu hori Anjel Lertxundi berak eta Juan Kruz Igerabidek ekarri zuten euskarara Literatura Unibertsala bilduman. Aspaldi irakurri nuen, baina oroitzapen ona dut. #IhesBetea

@elegose@mastodon.eus irakurle taldeko abuztuko liburuetako bati ekiteko prest!

Hasteko, Sherlock Holmesen zalea naiz. Liburu honetan Herlock Sholmès deitzen da, copyright kontuengatik. Bestetik, Arsène Lupinen anime batzuk ikusiak ditut eta gaur egunera ekarritako telesail frantziarra ere gustuko dut. Bide batez, urrian hasiko omen da hirugarren denboraldia. Gainera, Lupinen libururen bat edo besteren gaztelerazko itzulpenak nerabezaroan irakurri izanaren errezeloa ere badut. Beraz, liburu honek irakurketa atsegin baterako osagai guztiak ditu. Horri gehitu menperatzen ez dudan hizkuntza batean irakurtzeko erronka, gaztelerazkoa lagungarri dudala. Hasteko gogoarekin!