Erabiltzailearen profila

Gaztarora narama liburu honek. Oso erreala eta oso naturala da. Eta zaila da naturaltasun hori paperera ekartzen, kontamodu iruindar peto eta aberats hori hezur-muintzen. Eta Fertxuk bete betean asmatu du. Eleberri soziala, auzotarra, eroa, errebeldea, beltza eta sailkaezina. 👌

Kaixo guztioi! Alegia, 👉 #PaperjaleZozketa -n sartu zaretenoi:

@Izaro, @Urko, @Irati, @kaskagorri, @Andoni, @txaro, @Bakartxo, @Gasteiztar, @jogerka, @Mai_te95, @mrkortabarria, @kakapo, @Mendilarre, @Haltzadia, @Lilith, @AZ, @txikillana, @Henutmehyt, @ibai1984, @Uxue eta @Alex, momentuz 😄

Abenduaren 1a izango da parte hartzeko azken eguna (egun hori barne). Lagunduko diguzu pertsona paperjale gehiagorengana iristen? Horrela aukera gehiago izango duzue zozketan irabazteko! 😉 Eta ez, ez pentsa tranpa denik. Zozketa honen helburua ahalik eta jende gehienek Paperjale sare sozialera hurbilketa bat egitea baita. Ez gehiago, ez gutxiago!

Hemendik deskarga dezakezu eroso kartela: humo.sindominio.net/s/KCSkwNNAgiKpEBJ

Irabazlea baldin bazara, datorren igandean jasoko duzu gure emaila (Paperjalen sartu duzun helbidera idatziko dugu).

Aste ona izan!

Abaraska taldea

Oso gustora irakurri dut. Erritmo bizia du, badu suspentsea, baditu ezusteak, eta badu azpi irakurketarik. Frenetikoa da. Ez dakit ez ote gauden mundu honetaz gero eta gertuago. #PaperjaleZozketa

@Bakartxo Pozten naiz gustatu izana. Eta zinez eskertzen dizut halako hitz dotoreak jarri izana hemen. Eskerrik askooo. 😜

Palestinako gatazkaren harira irakurri dut liburu hau. Haien biziraunaren eguneroko gordintasun eta mixeri horien bila joz orri-artera. Eta bestelako zerbait aurkitu dut. Jon Glanvillek hitzaurrean diona pasa zait. Gatazka zeharka agertzen dela. Kontu ttikiak dira, orohar: haurtzaroaren amaiera, amoranteak, emakumearen eredu estua, sexua, zapatak, bidaiak... eta horiek guztiak intifada edo gatazkaren paisaiaren gainean. Eta ze gustura irakurri ditudan! Fintasun eta maitasun handiz ekarriak daude euskarara. Finean, ez da harritzekoa bestelako gaiez idaztea, halaxe egiten dugu gurean ere. Gainera, antza denez, zentsurari ihes egin behar izan diote, adibidez, sexualitateari dagozkion gaietan: hizkuntza mozorrotuz. Polita da. Ipuinak direnez, ez du irakurketa jarrairik eskatzen. Eta halaxe egin dut nik, beste liburuekin tartekatuz. #paperjalezozketa

Errekako ur bixiena bezalako hizketa musikatua dut gustokoen; zer esanik ez garaiotan, geroz eta garestiago zaidanetan. Hartaz, urregorria balitz bezala hartu dut Uxueren ahoz belarriko hau. Eta nola gustatu, gainera! Baita Begoñaren marrazki itxuraz xinpleen indar eta edertasuna.