#paperjalezozketa

Maiz istorio bat datziz ematea ederra izaten da, baina, ahozkotasunaren arauak betetzen dituen istorioa idatziz ematea eta entzuten ari zalera iruditzea, ikaragarrizko plazera da. Horixe iruditu zitzaidan letu nuenean, aditzen ari nintzela Ibrahimaren boza. Hori, Amets Arzallusek soilik egin zezakeen. Esker mile, hain istorio latza idazteagatik Ibrahimari hizketan utziz. #PaperjaleZozketa

Eguneroko gisa azaltzen du bere istorioa idazleak. Familia pasarteak, oroitzapenak eta gogoetak jasotzen ditu, alkoholikoa den bere aitarekiko harremanaren inguruan.

Gai gogorra baina bikain landuta dago. Hasiera hasieran astuna egin zitzaidan baina berehala hartu nion erritmoa eta gustura irakurri dut.

#PaperjaleZozketa

Palestinako gatazkaren harira irakurri dut liburu hau. Haien biziraunaren eguneroko gordintasun eta mixeri horien bila joz orri-artera. Eta bestelako zerbait aurkitu dut. Jon Glanvillek hitzaurrean diona pasa zait. Gatazka zeharka agertzen dela. Kontu ttikiak dira, orohar: haurtzaroaren amaiera, amoranteak, emakumearen eredu estua, sexua, zapatak, bidaiak... eta horiek guztiak intifada edo gatazkaren paisaiaren gainean. Eta ze gustura irakurri ditudan! Fintasun eta maitasun handiz ekarriak daude euskarara. Finean, ez da harritzekoa bestelako gaiez idaztea, halaxe egiten dugu gurean ere. Gainera, antza denez, zentsurari ihes egin behar izan diote, adibidez, sexualitateari dagozkion gaietan: hizkuntza mozorrotuz. Polita da. Ipuinak direnez, ez du irakurketa jarrairik eskatzen. Eta halaxe egin dut nik, beste liburuekin tartekatuz. #paperjalezozketa

Liburu hau oso irakurketa dibertigarria izan da. Detektibe-fikzioko zale moduan diot, Sherlock Holmesen kontrapuntua da Lupin. #paperjalezozketa

Gazako genozidioa dela eta erabaki nuen liburu hau irakurtzea, lehen zatian Palestina inguruko herrialdeetara egindako bidaia eta palestinar errefuxiatu ta borrokalariekin izandako hartu-emanak kontatzen dituelako Kapuscinskik. Sei Eguneko Gerraren gerraostean egin zuen bidaia, eta uneko palestinarren egoera erakusteko lan ederra da, albiste handi eta agintariengandik urrun eta herri xehearengandik gertu idazten baitu. Palestinarren ideiak, xedeak eta ametsak ezagutzen hasteko lehen pauso gisa oso gomendagarria.

Palestinaz gainera 1960ko hamarkadako Latinoamerikako eta Mozambikeko askapen mugimenduak eta gerrillak ere dauzka aztergai, betiere jende eta borrokalari arrunten bizipenak abiapuntu eta fokoetatik at. Milesker Katakrak-i euskarara ekartzeagatik! #PaperjaleZozketa

Egun bakar batez irakurtzeko moduko liburua. Errexa baina zaila aldi berean, kontakizunen garraztasunagatik. Barruak mugitzen dizkizu eta hausnarketarako bidea irekitzen laguntzen du. Oso gomendagarria eta beharrezkoa. #PaperjaleZozketa

Emakume arabiarrek pairatzen dituzten mixeriak azalerazten dituzten liburu asko irakurtzen ditut. Esango nuke gai honekin obsesio puntu bat badudala. Hau Nojuden istorio gordina da. Aitak ume txikia izanda ezkonarazi zuen. Hor hasten da bere gatazka. Xarmanki idatzia dago. Erraz irakurtzen da. Eta niri asko gustatu zitzaidan. #paperjalezozketa

Trilogia baten lehen liburua da hau, Mundacha deituriko herrian girotzen dena. Momentu batzuetan, Edortaren idazkera pisutsua egiten bada ere, Itsas abenturak gustoko dituen ororentzat gomendagarria. #paperjalezozketa

Liburua irakurtzeko oso ulerterraza da. Horrez gain, Ibrahimaren istorio latzak hasieratik engantxatu ninduen eta milaka migratzailek sufritzen dutenaren beharrezko errelatoa iruditzen zait. Arrazismo eta aporofobia garai hauetan, ezinbesteko irakurketa. #PaperjaleZozketa

Gasteizko Re-read bigarren eskuko liburu dendan ikusi nuenean atentzioa deitu zidan. Arthur Conan Doyleren idazlearen lan dexente irakurriak ditut: Sherlock Holmesen abentura osoak, The lost world... Hala ere, ez nituen ezagutzen liburutxo honetan bildutako bi istorio laburrak: Brasilgo katua eta Lady Sannox-en kasua. Biak oso interesgarriak iruditu zaizkit, suspentsea mantentzen dute ezusteko amaiera arte. Euskaltegiko ikasleentzat prestatutako edizioa da, amaieran ariketa eta guzti, eta itzulpenean nabaritzen da. Dena den, gomendagarria. #PaperjaleZozketa

Ez dut inork ez dakienik esango. Dagoeneko denek dakizue, baina liburu bikaina da. Oso ona! Istorio gogorra eta tamalez pertsona askoren egunerokoa da. Inor ezin da ilegala izan. #PaperjaleZozketa

Oso gustora irakurri dut. Erritmo bizia du, badu suspentsea, baditu ezusteak, eta badu azpi irakurketarik. Frenetikoa da. Ez dakit ez ote gauden mundu honetaz gero eta gertuago. #PaperjaleZozketa

Mikel Laboak merezi zuen tamaina honetako lana! Marrazkiak liluragarriak dira eta istorioa kantuekin uztartuz oso polita da. Guztiz gomendagarria. #PaperjaleZozketa

Pasaden udan irakurri nuen. Oso erraz eta gustora irakurtzen da. #PaperjaleZozketa