Kritikak eta Iruzkinak

Ez dut gogorik handirik Kritika bat idazteko... Gaurkoan iruzkina:

Gaztetan liburu hau irakurtzen saiatu izan nintzen eta gustatu ez, utzi egin nuen pare bat aldiz. Orain heldu diot eta, familiako izenak ikasi ondoren, harrapatu nau kontakizunak.

Karlistadetan murgildu nau liburuak, Sara izeneko gizona-k bezala, gerra gaitzesten duen Atxagaren nobela hura. Esango nuke hemen karlistak direla, gehiago, erridikulizatzen direnak.

Euskal mitologia, bestalde, inoiz ez zait asko interesatu, baina oraingo honetan gozatuarazi dit Irigoienen liburuak (hegaztiei buruzkoak, natura eta Mari...). Hala ere, trenari buruzko ikuspegi animista gehitxo iruditu zait, aurreko orakulu eta halakoen "sinesgarritasuna" galdu eta giro horretatik atera nau. Eta pertsonaien mundu ikuskera mitologikoa kristautasunarekin nahasten ari da, ulergarria, baina Dolorosa birjinari buruzkoak ere puf... gehiegitxo nire gusturako. Baina tira, horrela eta sinestunago ere bizi daitekeela jendea!

Gustatu zait orokorrean, baina amaiera aldean liburua bukatu zedin nahi nuela onartu behar dut.

"Zarea" agertzen da sarritan, Margariri hitz egiten dion narratzaileak (ez dakit nor den, Mari uste dut) hitz egiten duenean: "Oroitzen zarea egun gogoangarri hartaz?"

Hasieran tipografia akatsa zela pentsatu nuen, baina askotan ikusi dut gero. Protoeuskara-edo adierazi nahi izan ote zuen Joan Mari Irigoienek?

CC @protoeuskaldun@mastodon.eus @esantazilia@mastodon.eus

Udaran irakurri nuen Frankenstein, Mary Shelley idazlearena. Orain neguan, berriz, idazle horren ama izan zen Mary Wollstonecraft aipatzen duen liburu hau, Katixa Agirrek idatzia... etorkizunetik 😄

Bere kabuz asko gustatuko zitzaidan Berriz zentauro, baina kasualitate horri esker are gehiago gozatu dut!

Bost izar eta, zergatik ez, hurrengo liburu bat, hirugarren bat... eskatzen ditut! 🥰

Etxean daukagu eta itxura ona dauka. Ez dakit oso ondo nola irakurri behar zaion haur txiki bati... baina probatu beharko!

Bukatu dut irakurtzen eta bikaina iruditu zait. Euskal memoria historikoa zerrendan gehitu dut!

Ondo dago fisika kuantikoari buruz pixka bat ikasteko. Baina pixka bat, ze hain justu oraindik zientifikoki ulertzen ez diren gauzak aipatzen ditu, eta komikian azaltzen diren gauza ugari ez ditut ulertu, egia esan.

Liburu erdia arratsalde batean irakurri nuen. Grabitatearekin hasten den puntutik aurrera kostata.

Genero aldetik detaile itsusi batzuk dauzka (gizonak barbakoan, emakumea etxeko lanetan etab. Ez dakit).

Besterik gabe, irakurri daiteke 😄🤓👍

Diskurtso zientifikoa eta zentzuzkoa du. Emakumeen testigantza ugarirekin, azken hamarkadetan erditzeen inguruan egon den paradigma aldaketa azaltzen du: medikalizazioa arazoak daudenean hasten dela, bestela erditze fisiologikoa lortu behar dela, baita ospitalean ere...

Haurdunaldian zehar irakurri dugun beste liburua hau da eta beste funtzio bat du, gida erabilgarriagoa da seguru aski.

Pare bat liburu irakurri ditugu (lehen) haurdunaldian zehar. Hau da bat eta gomendagarria da! Funtsean, kontuan izan beharreko gauzen gida bat. Erosi egin dugu, aurkibidea hortxe izan eta begiratzeko erosoa izan dadin. Norbaitek nahi badu, eskatu eta utziko!

Irakurri genuen bestea hau da eta desberdina da: emakumeen testigantza gehiago; liburu zaharragoa da eta erditzeen inguruan egon den paradigma aldaketa adierazten du...

Youtuben ikusi nuen egileak berak irakurrita, liburu hau: www.youtube.com/watch?v=--_ZD2IA2C8

Denda batera joan eta erosteko asmoa daukat!

#PaperjaleZozketa 😜🤞

Doktore tesi bat izateko, irakurtzeko benetan interesgarria den liburua iruditzen zait. Etxean badaukat kopia bat paperean, nire lagun batek egindako lana baita. Norbaitek irakurri nahi baldin badu, gustura helaraziko diot.

Matematikarekin txikitan daukagun harremana, neska edo mutila izanda... matematika irakaslea nolakoa izan ohi den, gizona edo emakumea izanda...