Kritikak eta Iruzkinak

Arantxa Urretabizkaiaren liburu bakarra irakurri dut orain arte: "Zergatik, panpox". Aspaldian gainera, eta ez naiz askorik gogoratzen. Ea ba @elegose@mastodon.eus irakurle taldean azaroan irakurriko dugun #AzkenEtxea zer moduzkoa den!

Engantxatu nau eta bi eserialditxotan irakurri ditut nobela beltz labur honen 116 orrialdeak. Bikote arrunt baten bizitza erabat aldatzen da, egun batetik bestera, abiadura bizian doan kontakizun honetan.

Nobela beltz laburra. Ea zer moduzkoa den!

Chelsea Manning ezaguna da Wikileaks-i filtratu zizkiolako Afganistan eta Irakeko gerretan AEBek egindakoak azaleratzen dituzten milaka dokumentu. Horren ondorioz kartzela eta isolamendua pairatu behar izan zituen. Hala ere, liburu honetan hori baino askoz gehiago kontatzen du: haurtzaro zaila, familia desegituratua, gurasoen alkoholismoa, gaztetan kalean bizi zenekoa, queer giroko ibilerak, egoera zailean zegoenean militarrekin bat egitea, Irakeko gerrako kontuak, emakume sentitzea eta trantsizioa... Oso irakurketa interesgarria.

Urte asko igaro arren estatuen indarkeriaren biktimek errekonozimendurik gabe jarraitzen dute kasu gehienetan. Kontatzen duenagatik liburu gogorra da, baina guztiz beharrezkoa eta modu eder batean idatzia. #OsoLatzaIzanDa

Liburuei buruzko liburu hau martxoan hasi nuen. Geroztik, egun batzuetan ataltxo bat irakurri dut, beste batzuetan bi edo hiru. Liburu hau ireki gabeko egunak ere ez dira gutxi izan. Bitarte horretan liburu mordo batekin jarri dizkiot adarrak. Ez dut uste Irene Vallejori gaizki irudituko litzaiokenik, paperjale amorratua dela argi geratu baitzait.

Irakurri dudan Andrea Camilleriren lehen liburua izan da #GauarenUsaina eta aurrekoan Anjel Lertxundiri buruz esan nuen bezala, gehiago irakurtzeko gogoarekin geratu naiz. Euskaraz Montalbano komisarioaren beste bi eleberri omen daude, biak Igelak argitaratuak: * Uraren forma (La forma dell'acqua), Ander Irizarrek itzulia 2012an. Saileko lehen liburua. www.igela.eus/liburua/uraren-forma/ * Hilabete bat Montalbanorekin (Un mese con Montalbano), Fernando Reyk itzulia 2011an. Ipuin bilduma www.igela.eus/liburua/hilabete-bat-montalbanorekin/

Bestalde, @Alex​ek bezala nik ere #GauarenUsaina​ren telebistarako egokitzapena ikusi dut eta iruzkin bikain honetan esaten dituenekin oso bat nator. Paperjalen ikusi dudan iruzkin onena da: paperjale.eus/user/Alex/review/13594/s/gauaren-usaina-hainbat-bitxikeria#anchor-13594

Telesaila RTVE Play-n aurkitu dezakezue. Nire gomendioa, italierazko jatorrizko audioa gaztelerazko azpitituluekin ikustea: www.rtve.es/play/videos/el-comisario-montalbano/olor-noche/6655829/

Montalbano detektibearen eleberriei buruz gauza on asko entzun ditut eta banuen gogoa bere liburu bati ekiteko! #GauarenUsaina @elegose@mastodon.eus

Duela urte asko ingeles dexente ikasi nuen Sherlock Holmesen abenturak irakurtzen. Frantsesari Lupinekin ekin diot. Orduan hiztegi batekin moldatu nintzen, orain gaztelerazko itzulpena izan dut lagun, oso oinarrizko maila baitut. Hala ere, Sherlock detektibearen eta Lupin lapur gentlemanaren dueluarekin gozatu dut, eta amaieran hasieran baino zertxobait gehiago ulertzen nuela iruditu zait. Ez da izango frantsesez irakurtzen dudan Lupinen azken abentura izango!

Kritikaren izenburuarekin dena esaten dut. Irakurri nion lehena gaztetxoentzat argitaratutako Eskiatzaile herrenaren kasua izango da seguraski. Gero, aspaldian Hamaseigarrenean aidanez eta Tobacco days irakurri nituela gogoan dut. Duela hiru urte, @elegose@mastodon.eus irakurle taldean #ItzulizUsuBegiak saiakera gozatu nuen. #IhesBetea bikaina iruditu zait. Zein irakurriko dut hurrena? Bere lanen zerrenda luzea da zorionez, eta osatzen jarrai dezala urte askoan!

@elegose@mastodon.eus irakurle taldeko abuztuko liburuetako bati ekiteko prest!

Hasteko, Sherlock Holmesen zalea naiz. Liburu honetan Herlock Sholmès deitzen da, copyright kontuengatik. Bestetik, Arsène Lupinen anime batzuk ikusiak ditut eta gaur egunera ekarritako telesail frantziarra ere gustuko dut. Bide batez, urrian hasiko omen da hirugarren denboraldia. Gainera, Lupinen libururen bat edo besteren gaztelerazko itzulpenak nerabezaroan irakurri izanaren errezeloa ere badut. Beraz, liburu honek irakurketa atsegin baterako osagai guztiak ditu. Horri gehitu menperatzen ez dudan hizkuntza batean irakurtzeko erronka, gaztelerazkoa lagungarri dudala. Hasteko gogoarekin!

Edo liburuaren azken-aurreko kapituluan Turielek dioen bezala jende askok lehenago imajinatzen du munduaren akabera kapitalismoaren amaiera baino eta hori iruditzen zait arazoaren funtsa. Mundu material mugatu batean etengabeko hazkundea ezinezkoa da. Gero eta argiago dago eta liburu honek oso modu ulerterrezean azaltzen du. Ez dago beste bueltarik. Sistema ekonomiko gizatiarrago bat behar dugu. Pertsonon gutxieneko beharrak aseko dituena ingurune naturala errespetatuz eta gainean dugun antropozenoak eragindako arazoei ahalik eta ondoen erantzungo diona. Horretarako desazkundea beste biderik ez dut ikusten. Liburuaren amaieran dioen bezala aldaketek soziologikoak eta politikoak izan behar dute, teknologikoak baino gehiago. Eskertzen da arazoak aurkezteaz gain nondik jo dezakegun ere azaltzea.

Askotan gomendatu didate. Badut irakurtzen hasteko garaia!

Detektibe eleberrien zalea naiz eta mota horretako euskarazko lehen nobela irakurtzeak ilusioa egin dit. @izaskun@mastodon.eus​ek esan bezala #HamabostEgunUrgainen liburuak Agatha Christie ekarri dit gogora. Hizkera aldetik ahozko kontakizunen tankera hartu diot. 1980ko edizio zahar bat eta aurtengoa konparatzen ibili naiz eta euskara batura ekartzen lan txukuna egin dutela iruditu zait, jatorrizkoarekiko fidela da eguneraketa.