Erabiltzailearen profila

Langileok ere kasik gogoratzen ez dugun gertaera, gure eguneroko kaleetan gertatua, orain komiki bihurtuta Herritarron Historiaren zabalpenerako. Gosariarekin batera irakurtzen hasi naiz.

Bart irakurtzen hasi naiz, espektatiba altuekin, idazlea, argazkilaria eta itzultzailea egile estimatuak baiditut.

@mikelog Nire liburu gogokoenetako bat.

Hirugarren epiloguan ondo azaltzen dan legez, transak asko jaukek kontatzeko, eta danok hortik ikasteko, danon mesederako. Liburua oso interesgarrixa egin jatak, oro har, eta bertan kontatzen danak, interes hori pizten jok, parte sozio/antropo/politikuak jauken zailtasun kontzeptualak gainditzen lagunduta, zati biografikuenen bizittasunak bardinduta. Kasu partikularretatik, irakaspen eta tresna unibertsalak etara leikiazela frogatzen daben beste adibide on bat.

Pierre Lemaitre idazlearen lanak maite ditut (hauek film bihurtu izan direnean ere gustura ikusi ditut), eta Pelletier familiaren saila hastea kostatu bazait ere, lehen liburu hau bolada azkar batean eta gozatuz irakurri dut.

Beirut, Saigon eta Parisen kokatua, frantziar kolonietan sortu eta zabaltzen den Pelletier familiako kideen abenturak, bizipenak eta bereziki arazoak kontatzen ditu modu bikainean, frantziarren izaera bikoitzaren, zinikoaren eta inpultsiboaren trazak maisuki emanez, lehenago ere beste liburuetan eta aurretik datorren 'Desastrearen seme-alabak' trilogian abiatutako bidea jarraituz.

Bereziki harrapatu nau semeetako batek Saigonera egindako bidai desesperatuak. Gehiago jakiteko, irakurzea gomendatzen dizuet.

Kapitalismoak gure muineraino sartu dizkigu lanaren inguruko adiera gaiztoak. Noski, lana zer den azaldu digutenean, lana zer ez den ere garbi utzi nahi izan digute. Hautsok ekarri dituzte lohiak.

Liburu honek gai honen inguruan hausnartu, lanaren kontzeptuari adiera berri bat eman eta bide berriak urratzeko aukera eman dit.

Ekonomia diruaren joan-etorriak baino askoz gehiago da, gutxi azaldu diguten arren. Ekonomiaren ulerkera zabaltzeko aukera eman dit lan honek eta baita praktikan ibilbide luzea egin duten Ekonomia Sozial Eraldatzaileko eta Ekonomia Sozialeko proiektu ekonomikoen oinarriak hobeto ulertzeko ere.

Liburu honek tresna gisa balio du proiektu ekonomiko berriak ikuspegi eraldatzaile batean lerratzeko edota martxan daudenak eraldatzeko.

Atzo Donostiako San Jeronimo kaleko Kripta jendez lepo bete zen @ategorrietanfisterra komikiaren aurkezpenean. Milesker hurbildu zineten guztioi, eta milesker egileei emandako azalpenengatik!

@gpenagarikano ren kronika eta Dani Blancoren argazkiak 👇🏿
https://www.argia.eus/albistea/malenkonian-galdutako-kamaraden-omenez-komikia-eta-biniloa-eskaini-dizkiote-ate-gorriari

🗓️ Hurrengo zitak:

Maiatzak 21: Marruman (Donostia) elkarrizketa publikoa 19:00etan
Maiatzak 27: Trintxerpeko liburutegian (Pasaia) aurkezpena 19:00etan
Ekainak 11: Egia Recordsen (Donostia) biniloaren aurkezpena 18:30ean.

501 urte bete dira Frankenhauseneko bataila gertatu zenetik, eta bertan ortzadarra erakutsi eta bataila galdu ondoren preso hartu zuten Thomas Müntzer iraultzaileari buruz gehiago jakiteko asmoz hasi naiz liburu hau irakurtzen.

Hirugarren aldiz irakurri dut komiki gorri eta beltz eder hau- Gorri eta beltz diot, estetikoki horrela marraztua dagoelako, baina baita Pariseko Komunaren tragedia eta esperantza emantzipatzailea irudikatzen dituelako.

Louise Michelen hileta egunetan gertatzen den elkarrizketa moduan, emakume handi honen bizitza, ekintzak eta sentimenduak erakusten ditu, historiarekin harilkatuz, momentu poetikoa historia dela erakutsiz, eta zientzia fikzioak emantzipazioarekin izan duen lotura ere maisuki erakutsiz.

Aurten, martxoaren 18an Montmartren egongo gara etxekoak, komiki hau esku artean izanen dugu.