Kritikak eta Iruzkinak

Patxi Iturregiren ipuinak asko gustatzen zaizkit. Ez dakit zergatik baina barruko irakurlearekin konektatzen duen zerbait dute. Aurrekoen itsas-adarreko sunda desagertu da hauetan baina hala ere, bere erakarpen-puntua mantentzen dute.

Azalagatik edo zi-fi ipuinak izango zirelakoan nengoen baina ez da hala suertatu, bai, badago batan bat baina hasierako kontakizunetik konturatzen zara egiela ez doala hortik.

Detaile artegagarrien bildumarako; badago ipuin bat (autobusetan maskaren erabilera jorratzen duena) eperdia okertuta utzi ninduena neure oso gertuko bati holako bat bizitzea suertatu zitzaiolako. Ez dakit protagonisten ikuspuntuarekin bat egin ahal izango nukeen. Pandemia garaian batan batek bota zuen modura, ebidentziarik balego bizitza bakar bat salbatzeko ere pailaso sudurra jarri beharko litzatekeela, jarri egingo nukeen.

Bilboko irudi zaharrak biziberriturik ikusteak merezi du. Istorioa berea ere nahiko ondo dago.

Eleberria pentsatzen nuena kontakizun-bilduma bihurtu da baina gustura irakurtzekoa, Donald Ray Pollocken Knockemstiff antzekoa, giro astun eta hiperbiolentoa.

Kontrazaleko laburpenean egileak Indiana hegoaldea mapan jarri zuela adierazten da, hain ipini zuen Tom Franklinek bidaiaren bat desbideratu egin zuela inguru horretatik ez pasatzeko ( hemen irakurritakoagatik).

Gomendagarria literatur mota hau gustatuz gero. Harry Crews, adibidez, euskaraz agertu zen gaztelaniaz baino lehenago. Gaztelaniaz, Malas Tierras hauetaz aparte, Sajalín eta Dirty Works (Tom Franklin beraren liburuak, adibidez) argitaletxeek barreiatzen dute droga mota hau (lehen Libros del Silencio izeneko bat ere bazegoen baina orain liburutegietan baino ezin dira topatu argitaletxe horretako liburuak).

Ze gustukoak liburu labur eta zuzen hauek. Cynan Jonesek Magnus Millsen El encierro de las bestiaseko oso antzekoa den mundu heze, ilun eta bortitz horretara garamatza, liburuetan ezagutu baino ez nahiko nukeen landa eremuko Ingalaterra hortara (Wales, oraingoan) eta apur bat kolokan irtetan zara bidaia horretatik.

Liburuaren inguruko infoa bilatzen nengoela, oso egokia iruditu zaidan iruzkina topatu dut hor nonbait.

Detaileak; liburua inolako azalpen barik irakurtzen jarri nintzen eta hasieran ez nuen ulertzen zer gertatzen zitzaion protagonistari, bipolarra ote zen edo drogen menpe zegoen edo batek daki zer. Gerorago konturatu nintzen pertsonaia ezberdin bi zirela.

Baserriko troka batean hainbat azkonar-zulo agertu zirenean beste horrenbeste azkonar egongo zela pentsatu nuen eta liburu honen ostean konturatu naiz bakarra izan daitekeela irtenbide ugari sortzen dituztelako euren kabietan.