Kritikak eta Iruzkinak

Liburu oso motza da, baina hainbeste oin-ohar eta grekera zaharreko parentesiekin, zailtxo egin zait Epikuroren haria jarraitzea. Ziur naiz filosofoaren zale sutsuek ezinbestekotzat joko dituztela, informazio oso interesgarri baitago, baina niri irakurketa asko moteldu eta haria jarraitzeko josta zait. Bestetik, Epikuroren tesiak oso onak iruditu zaizkit beti, eta interesgarriak dira oso autoreen hitzaurreak. #PaperjaleZozketa

Ez zait gehiegi gustatu liburua. Beste gauza bat espero nuen, eta jasotakoak nahiko hotz utzi nau. Rola zergatik den ona azaltzen du behin eta berriz, gaiari buelta asko emanez, eta egileak dioen bezala "discursito"-a nola hobetu behar duzun azalduz. Ez dakit, iruditzen zait gauza bera ezateko 2 orritan nahiko zuela. Den-dena ez dago gaizki, baina dirudit mami gutxirekin egindako liburua dela, gauza berberari bueltak eta errebueltak emanez. #PaperjaleZozketa

Ursularen zale bezala, agian ez da kritika oso objektiboa, eh! ;) Asko gustatu zait, asko. Ipuin xehea dirudi, eta Omelasera egiten digu gonbita Leguinek. Dena al da benetan hain polita? Lor al daiteke horrelako gizarterik? Hori pentsatzen hasten zarenerako badu Ursulak bere infrenzua... uffff... Erraz irakurri, baina asko pentsarazten duen ipuina. Eta Nordicakoek ateratako edizioa ere txukun-txukuna, marrazki ederrekin lagundurik.

Etxe aldaketa baten erdian irakurri dut, eta egia esan asteak pasa ditut bere orrietan murgildu gabe. Haria galdutzat izan dut batzuetan, baina liburuak erakarri egin nau jarraitzera, ona den seinale! Pertsonaien arteko harremanak, eta hauek nola liburuan zehar josten ziren asko gustatu zait. Paragrafo gutxitan, eta han hemenka joaten da istorioa osatzen, eta baita ere gaur egun bizi ditugun gatazkak azaltzen. Turistifikazioa, militantzia, euskara... hainbat dira gaiak eta denak jorratzen dira sakonean, nahiz eta hitz gutxi behar autoreak azaltzeko. Vermandois familaren zurrunbiloan pixka bat galdu naiz (nire erruz, denbora luzez egon bainaiz irakurri gabe) eta beharbada pertsonaia larregi izan dira azkenerako. Iruditzen zait denen istorioak ixteko, eta hari solterik ez uzteko bukaera azkarregi joan dela. Eta epilogoak baikorregia iruditu zait, kar-kar. Beharrezkoa zen, baina agian bukara irekiagoa ere disfrutatuko nuke. Ez dakit... gero beti gelditzen baitzara gehiagoren zain! Enekoren idazteko era eta erabilitako euskarak ere asko irakatsi dit. Gomendagarria oso!

Asko gustatu zait eta harrapatu egin nau istorioak. Badirudi Brian semeak bere aitaren legatua bere gainetik astindu eta askatasun gehiagorekin idazteko aukera izan zuela. Gustatu zaizkit pertsonaia desberdinen bizipenak aztertzen dituelako, ikuspuntu desberdinetatik, eta nola joaten diren denak harikaltzen, bata bestearekin lotuz. Oso interesgarria ere ere matxinaden eta zapaltzaile-zapalduen ikuspuntu desberdinak, makinak gizakiaren aurkako dikotomian gelditu gabe. Gustura irakurri dut, eta datorren zatia irakurtzeko gogoz, aire freskoa sartzen duela sagan uste dut, eta DUNE klasikoetan dauden hainbat misteriori erantzuna emango diotelakoan aurrerago uste dut, Bene Gesserit-en sorrera, Tleilaxuak, Harkonnen-Atreides harremanak... Gomendagarria

Bi aldiz egin dut bidea, gauza berriak aurkitzeko asmoz... Eta Gary Chalk-en irudiez gozatzeko... ;) Motza egin zait, esan bezala, eta apika haria puntu batzuetan nahastu egin daiteke. Hala ere oso erraz irakurtzen da, eta :spolier helghastak ekiditen ikasi dut! :spoiler. Istorioak itsasotik, lurren bsrrunbera eramaten zaitu eta lehenengoak ez zuen umore punntu bat nabaritu diot. :spoiler Kontuz tabernariekin! :D :spoiler

"Liburu-joku" bat da, gaztetako "aukeratu zure abentura" modukoak. Hartu beharreko erabakiak eta dituzun gaitasun zein ekipoak ere baldintzatzen dute. Zailtasun puntu bat du, eta D10rekin berriz zoriak ere bere indarra du. Oso gustora egon naiz irakurketa-jolasean, eta azken monstrua borroka epikoan garaitzeak badu bere xarma! Tirada onak izan ditudalako, bestela... Berriro hastera! Klasiko baten edizio berria izaki, oso txukun egin dute lana! Bigarren liburuarekin hasteko irrikitan,!

Turismoa nondik datorren, zergatik sortu zen, eta oraintxe bertan zeren islada den azaltzeko liburu ona da. Zerk egiten gaitu turista? Ze eraldaketa prozesu dituzte turistaz beteriko lurraldeak eta zergatik? Galdera hauei eta beste askori erantzuten saiatzen da egilea, eta gehienetan lortzen du. Hala era nik frantses autore askori hartzen diedan traza akademikoegia da. Hau da kontzeptu batzuk oso-oso sakon aztertzen dituzten irudipena dut, baina gero horrek zer eragiten duen, hau da ondorioak, ez dituzte hain argi azaltzen. Nik adibide gehiago eskertuko nuke, baina liburuak merezi du gaian interesa baduzue. Saiakera ez da astuna egiten irakurtzeko, eta gai interesgarriak jorratzen ditu. Esan beharra dut, erosi nuenean ez nekiela 2017an idatzitakoa zenik... egoera ez da gehiegi aldatu egia esan, baina pandemia osteko datuekin eguneraketa bat izatea ondo legoke!