Kritikak eta Iruzkinak

80ko Euskal Herriko hamarkadara txangoa, bai giro politikoa baita musika arloan ere. Musikazaleak bazarete gomendatzen dizuet irakurtzea. (QRak jarri ditu idazleak kapitulu bakoitzaren sarreran, aldiro kanta desberdib batera zuzentzen duena). Eleberriak zatirik handienean 3 narratzaile (Josu, Mikel eta Amaia) ditu; horrekin, zenbaitetan, gertara bera begi desberdinekin azaltzeko parada eskaintzen du. Nobelaren hasiera eta amaiera (“intro” eta “outro”) gaur egunean kokatzen da narratzailea Aitziber gaztea delarik.

Itoitz pantanoaren inguruan, bertako urez blaitutako liburua. Odola ur bihurtzen denekoa. (Nobela grafikoa)

Nobela historikoa. Hamalau urteko Mikela izeneko neskatila Altsasura joaten da neskame, Reparastarren etxera. Urte beteko denbora-tartea betetzen du liburuak, tarte horretan eskolako joan-etorriak; gerraren amaiera; etxeko lanak; irabazleak eta galtzaileak…makina bat kontu ikasten ditu Goiburutar Mikelak.

Senide baten heriotza tarteko, detektibe bihurtu den sukaldaria. Nobela beltza+euskal kultura= modu bikainean uztartu ditu.

Eseri aldi batean irakurtzeko obra. Beilatoki batean dago kokatuta, aita hilotzaren azken agurra tarteki. Gaur egungo gizartean indar ain handiarekin sartu diren Adimen Artifizialak eta “influencer”ak bertan nahaspilatzen dira, umore eta gizatasunaren inguruko gogoetekin batera. 3 zatitan dago banatuta obra; lehenengo biak irentsi egin ditut plazer betean, baina hirugarren zatian “filosofia” gehitxo nire gusturako. Hala ere, gomendatuko nuke.

Super-gizaki, hau da, Super-heroi euskaldunak. Bai, euskaldunak. Euskal gatazkan, euskal munduan protagonista bilakatzen dira FISIO, FUSIO, DEPRESORE, LADY TOLEDO, BARRENERO, ATARI, ZATIKI, PORLANA eta MAKADAMA. Bakoitza bere botere, gotoleku sekretu, talde lotura, zaletasun eta ezaugarri fisikoekin. Zinez, gustora irakurri dudan komikia.