Erabiltzailearen profila

Bikaina, informaziño fidagarrixa modu entretenigarri eta artistikua emote hau. Askotan, ioiña bera bezain inportantia izaten dok-eta, kontalarixan gaittasuna.

Zelako gozamena, irakurketa ariña eta ondo ilustratua! Eta zein ete dok Eduntse, gure musa baskoi ederra? (kontuan hartuta, Martintxo Altzuetan marrazkizetako arpegi asko benetako pertsonenak dirazela).

Azken urtietan izandako arkeo dezepziñuekin (konpontzeko bidian), aurkikuntza interesgarri askori kaso gitxi egin jetset. Uste juat liburu honek gaixakin berradiskidetzen lagunduko nabela. Zelako interesgarrixak, Abauntzeko mapia eta Soalarreko gudarixa!

Liburu txortionek gauza oso interesgarrixak uztartzen jittuk: batetik historia testu sintetiko eta fidagarrixak, bestetik ilustraziño zientifikua. Protagonismo nagusixa azken honek jaukak, eta horixe dok igual bildumian balixo nagusixa, irakorketia gozamen hutsa bihurtzen jok-eta.

Ez dok erreza gai konplexu bat (eta zati haundi baten, ezezaguna) populaziño orokorrari komunikatzia; hamen saiakera on bat. Inkoherentzia txiki bat jaukak: arrazkixak ume txikixendako egokixak dirazen arren, "mamiña" gaztiendako morokua dok = ez bati, ez bestiari ez gajakek allegauko... Ekoizpen txukuna bestalde, kalidadekua.

"La morisma" gora eta "la morisma" behera. Erregetxuak euren artian ahuzkan egittiari laga, eta musulmanen kontra batera egittia lortzen zebenian, montonera kaotiko baten kontra ziharduela emoten jok, Almohadeen ejerzito regularran kontra barik. Hizkuntzia ez dok neutrala ez...

Ezagun dok, baitta be, sasoi horretan erregien segidako jaunak alkarrekin ukondoka ibiltzen zirala, zeiñek erret palangania eruango (= erret uzkixa miazkatuko), alferez titulua eta bla bla bla. Ai ze gogorra izaten dan gero, etxeko azienda haunditzeko lana! Zer eta, geroko kayetanuak dana alperrik galtzeko. 😈

Dana dala, XII mendeko tejemanejietan ondo ikusten dok Iberian orduko panoramia, jauntxo katolikuen minierresumen artekua behintzat: auzokuak, askotan ahuzkan, eta pixkaka pixkaka alkarrekin aliantzak egitten eta indarra kontzentratzen.

Ume bikixak bildurrezko pelikula baten protagonistak izan jeikiazen: zelako hotzak, zelako zorrotzak, zelako sentimentu bakuak. Bizipen gogorrak bizi izandako jentia gogortu egitten dok, eta horixe dok hamen erakusten dana. Kontakizun estilo hotzakin konektatzia kostau bajatak be, inguruko gertakarixak ulertu ahala nobeliak interesa irabazten jok eta, gustora ez juat esango -gerrako gogortasunak ez dittuk atsegiñak-, baiña azkenian, interesez eta enpatiaz irakortzen dan kontakizuna dok. Hori bai, amaierako bereizketiori etxuat ulertu.