Kritikak eta Iruzkinak

Hasieran harroputza eta pedantea iruditu zitzaidan egilea, baina gero irabazi ninduen. Hezkuntzako profesional guztiei gomendatzen diet eta gustatuko litzaidake liburua komentatzea.

Hala ere, puskatzailea den neurrian da askatzailea liburu hau. Eraikitzailea ere izan behar da eta liburu honetan horrelako gutxi dagoela uste dut.

Gazte literatura, ona baldin bada, helduentzat ere bada. Hau da adibide bat. A ze gaitasuna giroa sortzeko idazleak!! Eta itzulpena ere bikaina iruditu zitzaidan, oso gustura irakurri nuen behintzat.

Malko batzuk atera ditzakeen liburua. Irakurri ahala tarteka utzi behar da. Hala ere, oso erraza da liburua utzi eta hartzea, pasarte motzak biltzen ditu, gaika antolatuak. Hau da, gerran ibili.zen emakume bati egindako elkarrizketa osoak irakurri beharrean, elkarrizketa guzti horietan gai bati buruz esan ziren pusketak irakurtzen dira, atalka. Gerra zer den ulertzeko beste liburu on bat. Emakumeek gerra (eta gerra ostea) nola bizi dezaketen ulertzeko liburua.

Burmuinaren funtzionamenduaz modu errazean ikasteko liburu ona. Norbaitek irakurtzen badu, erantzun mezu honi, gustura komentatuko nuke gauzaren bat!

Euskaltasunaren esentzia kostaldean deskribatzen du. Gaztetxotan gustura irakurri nuen, ez dakit orain gustatuko litzaidakeen. Edonola ere, ez da oraingo begiekin irakurri behar. Baserrian girotutako Garoa ere badago.

Euskaltasunaren esentzia baserrian deskribatzen du. Gaztetxotan gustura irakurri nuen, ez dakit orain gustatuko litzaidakeen. Edonola ere, ez da oraingo begiekin irakurri behar. Kostaldean girotutako Kresala ere badago.

Euskal eleberrigintza modernoa nobela honekin hasi zela esaten da, Txillardegik zerbait desberdina egin zuelako, Europako-eta korronteei jarraiki. Nobela existentzialista da hau, Batxillergoan edo DBHn irakurrarazi ziguten eta ez dut oroitzapen txarrik, behartuta irakurri arren.

Gauza bakarra dut gogoan nobelatik: Leturia atso zahar bati begira, beltzez jantzita (alargun seguru aski) eta bizkarra okertuta lurrak tirako balio bezala (bale Fitoren kanta bat kolatu zait hemen) nekez doa ibiltzen; eta Leturiak pentsatzen du ez ote den heriotzari beldurra, horrelako pertsona bat bizirik mantendu dezakeen bakarra.

Liburu honek malkoren bat atera zidan, eta asko irakatsi zidan pertsona transexualen inguruan. Zorionez, gero eta gehiago dakigu guztiok gai hauei buruz.

Zaila da liburu batek barre egiten laguntzea, baina honek lortzen du!!

Uste nuen Kataluniari errekonozimendu bat (nazio izaerarena) emango zion liburua irakurriko nuela, baina ez. Gogoratzen dudana da gerraren absurdoa, asperdura... eta abar transmititu zizkidala. Gomendatzen dut!