Kritikak eta Iruzkinak

avatar for miturbe

Mikel Iturbe

miturbe@paperjale.eus

duela 2 urte, hilabete 1(e)an batu zen

Jarraitu Fedibertsotik

Esteka hau laster-leiho batean zabalduko da

(e)k Severino Pallaruelo(r)en Pirineos, tristes montes liburuaren kritika egin du

Severino Pallaruelo: Pirineos, tristes montes (Paperback, 2008, Xordica) 5 izar

Review of 'Pirineos, tristes montes' on 'Goodreads'

5 izar

Goi-Aragoiko Piriniotako bailara estuetako herrixka eta etxaldeetan zentraturiko istorio-sorta da hau. Istorio-sorta diot, ipuinak, ahozko tradizioan jasotako (eta magnifikatutako) anekdotak eta egilearen pasadizo autobiografikoak diruditen narrazioak batzen baititu liburuak. XX. mendean sartuta egon arren ia-ia erdi-aroan bizi diren herrixketako (herrixka beltzak, idazleak askotan deskribatzen dituen modura) bizitza gogorra, Espainiako guda zibilak zein II. Mundu Gerrak utzitako arrakala, emigrazioa, industrializazioa, enpresa (hidro)elektrikoen boterea... dira liburuko gai nagusiak.

Gomendagarria, ale bat eskuratzeko zortea izanez gero, behintzat.

(e)k Lucia Berlin(r)en A Manual for Cleaning Women: Selected Stories liburuaren kritika egin du

Azalik ez

Lucia Berlin: A Manual for Cleaning Women: Selected Stories (2015)

 5 izar

Review of 'A Manual for Cleaning Women: Selected Stories' on 'Goodreads'

5 izar

Izenburu xelebrea, liburu ikaragarria.

Inspirazio autobiografikoa daukaten istorio laburren bilduma da hau, haien arteko erlazioa gero eta agerikoagoa delarik liburuan aurrera egin ahala: alkoholismoa, AEB-Mexiko muga (eta mugakideak), pobrezia... dira bildumako ipuinak ardazten dituzten gaiak. Istorio labur guztiek daukate zerbait, baina horietatik batzuk, benetan markatzen duten maisulanak iruditu zaizkit, emozionatzerainoko lazgarriak. Finean, oso gomendagarria.

(e)k Marc Levinson(r)en The Box: How the Shipping Container Made the World Smaller and the World Economy Bigger liburuaren kritika egin du

Marc Levinson: The Box: How the Shipping Container Made the World Smaller and the World Economy Bigger (2006) 4 izar

Review of 'The Box: How the Shipping Container Made the World Smaller and the World Economy Bigger' on 'Goodreads'

4 izar

Liburu honetara Ever Given itsasontziak Suezeko kanala oztopatuz geratu zenetik tiraka heldu nintzen. Itsasontzi batek izandako istripuaren erruz munduko ekonomia hondatu egingo zela zirudien horretan, informazio bila hasi nintzen. Eta hala, gaur egun globalizazioaren bideratzaile nagusienetakoak diren kontainerren historia azaltzen duen liburu honekin egin nuen topo (nonbait ikusi nuen gomendatua). Levinsonek zehatz kontatzen du kontainerrak izandako sorrera eta eboluzioa, II Mundu Gerratik XXI mendera artekoa. Gaia interesekoa izanez gero, liburu gomendagarria.