Erabiltzailearen profila

Ez dakit zenbat den egia, ez dakit egileak zenbat asmatu behar izan duen, baina kontatzen duenaren zati txiki bat egia baldin bada, irakurlea zur eta lur uzteko moduko istorioa dugu hau. Pentsamenduz eta ikuskera onirikoz beteriko atalak apur bat astunagoak egin zaizkit baina pertsonaia marrazterakoan ekarpen on bat egiten dutela deritzot. Garai ilun eta gogor bateko istorio interesgarri bezain latza iruditu zait. (Istorioa irakurri dut soilik, amaieran gehitutako azalpen-eranskinak ez irakurtzea erabaki dut)

Fikzioa izan arren, modu ahalik eta informatuenean sortua izan zela diote. Egia eta asmakizunaren arteko marra lausotuz, lan interesgarria dela dirudi (4/16 kapitulu irakurri ditut). Zuri-beltzeko marrazkiak eta beste ezaugarri batzuek adi egotea eskatzen dute, haria ez galtzeko. Gaztelaniazko bertsioa utzi didate, bukatuz gero kritika idatziko dut.

@desertorea jarrizu konbentzitzen ez zaituen hori spoiler bezala mesedez! (nik irakurrita daukat eta jakin nahi dut, baina oraindik irakurri ez dutenei izorratu gabe)

Gustora irakurri nuen Toure jaunaren abentura hau, arinago kaleratutako beste bi zeudela jakin gabe. Ondo egindako lana dela deritzot, baina ahal izanez gero irakurri ordenean. Beste miturbe@paperjale.eus erabiltzaileak esan duen bezala, bere une gazi eta gozoak dituen arren, zapore mikatzeko amaiera dauka.

@elegose@mastodon.eus @desertorea Erabat ados, urtebetze opari bezala oparitu zidaten Hutsaren Itzalak. Aurretiaz kaleratutako beste liburuak zeudela jakin gabe irakurri nuen, ahal izanez gero, dagokien ordenean irakurtzea gomendatzen dut nik ere.

Interesgarria egin zitzaidan irakurri nuenean, ez neuzkan euskaldunek sortutako proposamen distopiko asko inguruan eta hau eredu duin bat iruditu zitzaidan.

Pertsona batek Artxipelagoari buruz sortzen ari ziren bideojokoa erakutsi zidan. Durangoko Azokan ikusi eta aukera bat eman nion. Oso gogotsu irakurri nuen, konturatu orduko jadanik irakurrita neukan, bigarren denboraldiaren zain nago baina bitartean podcastaz gozatu ahalko dut.

@mikelgs eskerrik asko, enintzen garaiz konturatu. hurrengoan saiatuko naiz.

Lehen liburukian aurkeztu eta garatzen hasi zena hobetzen doa hemen. Iraganari buruzko informazio gehiago lortuko dugu eta batzuentzat zentzugabea zirudienak logika bereganatzen du oraingoan.

Estetikoki ederra izaten jarraitzen du eta pertsonaia berriak sartzerakoan aniztasunaz gozatu ahal izango dugu.

Hasierako egoera hain erakargarria egin ez zitzaidan arren, astiro hobetzen doa. Lehen liburuki honen amaierarantz martxa interesgarria hartuz doa.

Estetikoki interesgarria iruditu zait, eta egileak dioen bezala Conan barbaroaren zaleek (zein zaleak ez direnek) hemen aurkitu diren hainbat irudi gozatu ahal izango dituzte.