#paperjalezozketa

Denbora dezente eman nuen pentsatzen liburu hau irakurri beharko nukeen ala ez. Zalantza beti berdina zen, merezi al du gazte literatura gisa katalogatuta dagoen eta bere garaian fantasiazko generoa gustatzen ez zitzaidalako irakurri nahi izan ez nuen liburu/saga bat irakurtzea? Helduek goza dezakete Harry Potter? Helduek gazteentzako literaturaz goza dezakete?

Bada, lehenik eta behin, Ursula K. Le Guinek Terramarreko lehen liburuko gibel-solasean aipatzen du. Ez onerako, eta horrek ni motibatzen bukatu zuen. Bestalde, klasiko moderno bat da eta berau ezagutzea ondo dago, "potterismoa" inguratzen duen istorioa ezagutzea interesgarria delako.

Eta bai, heldu batek Harry Potterrez goza dezake, heldua ilea galtzen hasia bada ere. Gazteentzako literatura etiketa bat baino ez da eta liburu zoragarriak daude etiketa horren pean, baina... kasu zehatz honetan gauza batzuk ez dira oso ondo zahartu (adibidez, umorea oso bideratuta dago umeei barre eragiteko). Nolanahi ere, gustura irakurtzen da. Eta irakurketara lotzen zaitu.

#PaperjaleZozketa

Paperjale sare sozialerako proposatu genuen zozketa ari da bere eragina izaten. Hauek dira egunotan egon diren erregistratze berriak eta zenbat egon diren aktibo.

Animatu eta parte hartu, ostirala azken eguna!

#PaperjaleZozketa

Euskal literaturaren klasiko hau irakurri gabea nuen eta zinez, mugarri bat ezarri du nire ni "euskal literatura irakurlean". Hasieran zaila gerta daiteke irakurketa bere ez ohiko ortografia dela eta, zentsuratu gabeko edizio honen akaberan azalpena ematen du Arestik berak egindako hautu horri buruzkoa eta hauxe gaineratzen: "Politikoek euskera garbi bat nahiago dute, naiz-eta (sic) horrela pobretzen den, baina eskritoreak euskera aberats bat behar du, naiz-eta horrela zikintzen den". Altxor bat da liburua berez, hemen badakarren perla saldotik bat: "ni ere izan nintzen behin, orain urte asko, herria, eta orain konturatu behar izan naiz ni... Orain, plaza batean haur batzuk erderaz kantacen ikusi ditudala" 1986ko Susaren edizioa Agustin Ibarrolaren irudiez lagunduta heldu da, preziso lan honetarako egin zituenak. Tira, altxor bat alderik alde. #PaperjaleZozketa

Zaindu zeure burua, gizontxo. Horixe esan nahi du liburu honen izenburuak. Joseba Sarrionandiak Gulliverren bidaiak liburutik hartu zuen 1985-1995 bitartean idatzitako poemak biltzen dituen liburuari izena emateko. Poemak ez ezik, 2 ipuin jasotzen ditu bertan ere, eta denbora presente, pasatua eta futuroarekin jolasean aritzen da liburuan zehar, atalka askotariko gaiak jorratzearekin batera, hala nola itsasoa, maitasuna... Baina ezinbestean (h)erbestea da liburuan gailentzen den gaia, autobiografia karga handiko lana dugu hau.
"Mundua zabala eta arrotza da" "Batzutan inola ere ez ezin da ihes egin norbera den errauts pilotik" "Harriak ditugu baina ez dugu herririk. Harriak ditugu boltsilo zulatuetan, eta ez dugu inon eraikiko betirako etxerik. Baina harriak ederragoak al dira ba harresian?" #PaperjaleZozketa

"Navarrismo" korronte ideologikoa desmontatzeko gida laburra. Kapitulu batzuk bitan irakurri behar izan ditut ongi ulertzeko, baina gustatu zait autoreak bere ikuspuntua azaltzeko erabili dituen argudio historiko eta sozio-kulturalak. #PaperjaleZozketa

8 ipuinek osatzen dute liburua, denak desberdinak, baina hari berari tiraka idatziak, protagonisten kabitu ezinak hain justu; egoera ez erosoak, norberaren azalean egoteko ezina edo lekuz kanpo sentitu eta taldearekin bat ez etortzearen sentipenak.

Norberaren kabitu ezinetan sakondu eta pentsatzeko parada eskaintzen du liburuak. Asko gozatu dut irakurketarekin.

#PaperjaleZozketa

Tiranizidioa, testuingurua eta protagonistak gogoratzeko pilula bat, gaia ederki ezagutzen duen Iñaki Egaña historialariak kontatua. Laburra eta irakurterraza. Gomendagarria. #PaperjaleZozketa

Liburu honetan Federico García Lorcaren sekretuak erakusten dira. Orrialde bakoitzean, Ilu Rosek (egileak) poetarekin gero eta gehiago maitemintzera garamatza eta xamurtasun handiaz zipriztintzen gaitu ilustraziotik ilustraziora.

#PaperjaleZozketa

Min ematen du liburu hau irakurtzeak. Min ematen du, ispiluan begiratzean ezkutuan zenuela uste zenuen hori agerian dagoela deskubritzen duzunean bezala. Nahiz eta zu ez izan liburuko inor bezalakoa (baina pixka bat bai), nahiz eta zure aita ez den horrelakoa (baina pixka bat bai), nahiz eta zuk ez zituzun bizipen horiek izan (baina pixka bat bai). Ez al da hori, hain juxtu, literaturaren boterea? #PaperjaleZozketa

Liburu honekin ederki disfrutatu dut. Ez dut informazio gehiago eman nahi. Irakurtzen hasi nintzen momentutik barneratu eta irentsi egin dut.

#paperjalezozketa

Parte hartzen ez baduzu, saria guretzat izango da, e!

#PaperjaleZozketa

Lehen liburuaren arrakastaren ondoren bigarrena iritsi behar zen. Gaurkotasunari buruzko zutabeak biltzea kirol-klabean. Musika, zinema, bizipen propioak baina batez ere ironia nahasten ditu, lehenengoan baino gehiago oraindik. Futbola gustatzen bazaizu, eta bestela, gomendagarria.

#PaperjaleZozketa

Fobolaz dakigunok, liburuan deskribatutako zaletasun gehienei buruz dakigu, besteren bat ez. Batzuetan pisutsua egiten da klubei buruzko historia gehiegi duelako eta zaletasunei buruz gutxi, hala ere interesgarria da.

#PaperjaleZozketa

Álvaro de Grado kazetaria eta Twitterreko futbol ingelesak Premier eta beheko kategorietako taldeei buruzko istorio ugari biltzen ditu bere liburuan. Berak bizitako istorioak dira, eta, beraz, erraza da munduko liga onenetako batean kirol-korrespontsal izan behar duenarekin enpatizatzea. Azkar irakurtzen da eta Ingalaterrako futbolaren intrahistoriei buruz gehiago jakiteko gogoz uzten zaitu.

#PaperjaleZozketa

Bidaia-gida bat da kapitulu bakoitzean hiri bat, denak futbolarekin lotuta. Musikaz, janariaz, zinemaz eta politikaz ere hitz egiten da. Oso eramangarria, Italiara bidaiatzeko gogoa ematen dizu, futbola gustuko ez baduzu ere.

#PaperjaleZozketa