Turista klasea

, Kattalin Miner Perez

Euskara hizkuntza

Susa(e)k argitaratua.

(5 berrikuspen)

Esnatu, gosaldu, jantzi, motxila, paketea eta nortasun agiria hartu, Hendaiara joan, Pariserako trenari itxaron. Baliteke gaurkoa izatea azken bisita. Eta oraindik ez zaizkio natural ateratzen talegoa bezalako hitzak. Batzuetan fribolo samarrak iruditzen zaizkio haien arteko elkarrizketak, ez dutelako politikaz hitz egiten, baizik eta pelikulez, liburuez, ametsez. Barre egiten dute, elkar babesten dute.

Uzkiari buruzko tailer batean ezagututako lagun txiletar batzuen etxean geratu zen lehenengo bisitan. Geroztik, ardo botilak hustu zituzten, “lagun” esan zioten elkarri, bizi zituzten biolentziak konpartitu. Baina haiei ez zien kontatu muga gurutzatuta trena hartzean sentitzen zuen izua, Charlie Hebdo-ren kontrako atentatua gertatu zenetik.

Adiskidetasuna, elkartasuna, norberarengandik erauzi ezin ditugun beldurrak. Kattalin Minerren bigarren nobelan.

Edizio 1

Alex (e)k Kattalin Miner Perez(r)en Turista klasea liburuaren kritika egin du

Labur bezain sakon

4 izar

Goizean esnatu, Parisera joan, laguna kartzelan bisitatu eta berriro buelta... 20 ordu eta hainbat burutazio.

Euskal gatazka eta LGTBI borroka: protagonista taberna bateko komunean gora (T)ETA pintada eraldatzen ari zenean ezagutu zuten elkar berak eta lagunak. Gerora laguna kartzelan sartu eta bisitatzen hasi zen. Euskal gatazka feminismo gehiago behar zela aldarrikatu nahi zuen (baina niri beste hau etorri zait akordura: www.youtube.com/watch?v=UnWn-_qRMwM)

Klase borroka eta LGTBI borroka: LGTBI kolektiboko errefuxiatu txiletarrak ezagutu ditu... Euren arazoak ere kontatzen ditu. Zaila da "proletario eta marika" izatea! Zeharka intersekzionalitateaz ere hitz egiten du liburuak.

Liburuak orohar oso gogoeta politak ditu. Ezlekuan bizi diren pertsonek osatzen dute liburua... beren lekua aurkitzen ez duen jendea.

Lehen kapitulua gustatu zait... bidaia nola prestatzen duen eta beren maniak. Idenfikatuta sentitu naiz ;-) Mania horietako batzuk nik neuk ere partekatzen ditut.