Eraikuntzarako materiala

, Eider Rodríguez Martin

rústica, 249 orrialde

Basque hizkuntza

2021ko mar. 8a(e)an Susa(e)n argitaratua.

ISBN:: 978-84-17051-80-8

(12 berrikuspen)

Harea, zementua, karea. Zerekin taxutu absentzia? Nola zutitu ez dagoena? Zegoenean ere, maiz erortzear zena? Etxeak egiteko behar den guztia saltzen zuen aita bat. Alkoholak blaitutako aita bat. Heriotzaren atezuan abiatzen du kontakizuna liburu honetako narratzaileak. Heltzear da, helduko da, eta hainbestetan sofatik lan handiz altxatzen ikusitako aita, kalea balantzaka zeharkatu eta bulegoaren iluntasunean gotortzen zena, hitzekin laztantzeko modu bat entseatuko du alabak. Batera eta bakarka izandakoaren memoria sortu. Zaldiak, igerilekua, kaleko jendea, bigarren etxe izandako almazena, sua, azulejuak, soldaduskako eskutitzak, Benicassimeko apartamentua, gasolina, landareak. Aita baten puskak bildu ditu Eider Rodriguezek bere aurreneko nobelan. Denboran luzatutako gainbeheran murgildu, eta, izendatu ezin direnen aurrean, eremu laiotz bat argitu.

Edizio 1

anagalarraga1 (e)k Eider Rodríguez Martin(r)en Eraikuntzarako materiala liburuaren kritika egin du

Eraikuntzarako materiala

5 izar

Min ematen du liburu hau irakurtzeak. Min ematen du, ispiluan begiratzean ezkutuan zenuela uste zenuen hori agerian dagoela deskubritzen duzunean bezala. Nahiz eta zu ez izan liburuko inor bezalakoa (baina pixka bat bai), nahiz eta zure aita ez den horrelakoa (baina pixka bat bai), nahiz eta zuk ez zituzun bizipen horiek izan (baina pixka bat bai). Ez al da hori, hain juxtu, literaturaren boterea? #PaperjaleZozketa

Ander (e)k Eider Rodríguez Martin(r)en Eraikuntzarako materiala liburuaren kritika egin du

Gai gogorra bikain landuta

4 izar

Eguneroko gisa azaltzen du bere istorioa idazleak. Familia pasarteak, oroitzapenak eta gogoetak jasotzen ditu, alkoholikoa den bere aitarekiko harremanaren inguruan.

Gai gogorra baina bikain landuta dago. Hasiera hasieran astuna egin zitzaidan baina berehala hartu nion erritmoa eta gustura irakurri dut.

#PaperjaleZozketa

Mikel Iturbe (e)k Eider Rodríguez Martin(r)en Eraikuntzarako materiala liburuaren kritika egin du

Review of 'Eraikuntzarako materiala' on 'Goodreads'

5 izar

Liburua gomendatu zidaten orain dela hilabete batzuk. Hala, gomendio horrez gain beste ezer jakin gabe (ezta sinopsiko testua) ekin nion liburuari. Bikaina iruditu zait. Egilearen aitaren bizitza, heriotza eta haien arteko erlazioa da liburuaren ardatza. Alkoholak guztiz baldintzatutako ardatza, izan ere.

Egunkari modura dago idatzita, erraz irakurtzen da. Uste dut idazketa estilo honekin bete-betean asmatu duela Rodriguezek.

Gomendatzeko modukoa, zalantzarik gabe.