Kritikak eta Iruzkinak

avatar for mikelgs

mikelgs

mikelgs@paperjale.eus

duela 2 urte, 5 hilabete(e)an batu zen

Tarteka irakurtzen dut zerbait, ez dut uste balorazio edo iruzkin txar asko egingo ditudanik, ez dut denbora horretan erabiliko. Gomendioak egin eta bilatu bai, gustura!

Jarraitu Fedibertsotik

Esteka hau laster-leiho batean zabalduko da

(e)k Dr. Seuss(r)en The Lorax (Classic Seuss) liburuaren kritika egin du

Dr. Seuss: The Lorax (Classic Seuss) (Hardcover, 1998, Random House Books for Young Readers) 5 izar

Long before "going green" was mainstream, Dr. Seuss's Lorax spoke for the trees and warned …

Testua, audioa eta bideoa

5 izar

Ipuin hau ez da behar bezain ezaguna. Ipuin ekologista gisa aurkeztu ohi da eta kapitalismoaren edo estraktibismoaren kritika zuzena egiten du (natura agortzeaz gain, gizakien migrazioa ere aipatuz). Ordena honetan gomendatzen ditut:

  • PDF-a erraz eskuratzen da interneten, adibidez hemen. Ingelesez irakurtzea onena, errimak eta esaldien kadentzia bikainak baitira.

  • Ondoren gomendatzen dut ipuineko irudien gainean audio daukan hau.

  • Eta azkenik bideo zahar [hau],(https://www.youtube.com/watch?v=8V06ZOQuo0k) baina hori jada ez da literatura, hori jada telebista ikustea da.

Ez dut gomendatzen 2012ko filma, trailerrean bera ez zitzaidan gustatu... filma ikusteko gogoa kendu zidan. Ikusten badut eta gustatzen bazait, iruzkin hau editatuko dut.

(e)k Philippe Pelaez (1970-)(r)en Gizonak behar direnez gero liburuaren kritika egin du

Philippe Pelaez (1970-): Gizonak behar direnez gero (2020, Harriet) 2 izar

Ez zen espero nuena

2 izar

Inuzentea ni, Frantziar inperialismoaren aurkako zerbait eapero nuen. Baina ez. Egilea gainera Reunion irletan bizi dela (zela?) uste dut, beraz...

Okerrena da liburua erosi egin nuela, behin erosiko eta hanka sartu! Jakina, gainontzekoan kalitate handiko lana da seguru: marrazkiak, istorioaren gidoia-edo... ez naiz batere aditua eta seguru badaukala kalitatea.

(e)k Mª José Ezeizabarrena(r)en Hotsetik hitzera liburuaren kritika egin du

Mª José Ezeizabarrena, Junkal Gutierrez: Hotsetik hitzera (Paperback, Euskara language, Erein) 4 izar

Umearen lehenengo begiratuak eta irrifarreak, estreineko pausoak, aurreneko hitzak… mirari txiki horiek noiz gertatuko zain …

Hizkuntzalaritza hasiberrientzat

4 izar

Liburu erdia oso-oso gustura irakurri nuen, hortik aurrera interesa jaitsi zitzaidan eta erdizka daukat, baina helduko diot egunen batean seguru aski. Oso liburu ona iruditzen zait, gaiak dosi txikitan aurkezten dira, beti egitura berdintsuan, erakargarrian eta ulertzeko moduan.

(e)k Harkaitz Cano(r)en Fakirraren ahotsa liburuaren kritika egin du

Harkaitz Cano: Fakirraren ahotsa (Paperback, Euskara language, Susa) 4 izar

Zer egin dohain bat daukazunean? Erabili, munduari eskaini, eta, trukean, inoren arreta jasotzera ohitu. Horixe …

Hitzaurrea falta zaio

Baloraziorik ez

Asko gustatu zait liburua.

Irakurri nahi duenari gomendatuko nioke elkarrizketa hau irakurtzea lehenengo.

SUSA argitaletxearen orrian dauden kritikak eta bideoak ere ikus ditzakezu. Eta, liburua irakurri ondoren, kritika hau ere txukuna iruditu zait.

Nire kasuan, liburuan zehar dauden hausnarketa batzuk gustatu zaizkit. Eta musikari buruzko pasarte interesgarriak ere badaude.

Liburua gomendatzen dut. Irakurtzen hasi baino lehen, nahi baduzu, entzun abesti hau! ;-)

(e)k Harkaitz Cano(r)en Fakirraren ahotsa(r)i buruzko iruzkina egin du

Harkaitz Cano: Fakirraren ahotsa (Paperback, Euskara language, Susa) 4 izar

Zer egin dohain bat daukazunean? Erabili, munduari eskaini, eta, trukean, inoren arreta jasotzera ohitu. Horixe …

Pasada bat da, dagoeneko "badakizun" zerbait irakurtzen duzunean liburu batean. Hori lortzen du tarteka Harkaitz Canok! (adibide bat)

Beste hausnarketa batzuk, ordea, ez zaizkit iritsi eta aspertu naute. Baina batzuek, abila da idazlea gero, aspertu egin naute eta... halako batean borobildu egiten ditu, eta gustatu! Horixe gertatu zait 280 orritik aurrera.

Liburua bukatzen ari da eta azkar irakurtzen ari naiz, eta aldi berean motel irakurri nahi dut, ez dadila bukatu...

Bertsolariak sarri saiatzen dira hitz-jokoak egiten eta hausnarketa borobilak eskaintzen, entzuleari irakatsi eta pentsatzen laguntzen. Idazle honek ere hori egiten du. "Prosalaria" dela esateak balio du? Idazle guztiak saiatzen dira horretan? Ez, ezta? Batzuetan paragrafo batean eskaintzen du bizitzari buruzko hausnarketa borobil bat, eder-ederra. Beste batzuetan orri batzuk hartzen ditu. Bereziki saiatzen da horretan Cano, narratzaile gisa. Idazle hau prosalari galanta da! Beste honetan ere sumatu eta gozatu nuen hori, baina irakurleari gehitxo eskatzen ziola iruditu zitzaidan. Hemen karanbola …

(e)k Mary Shelley(r)en Frankenstein liburuaren kritika egin du

Mary Shelley: Frankenstein (Euskara language, 2022, Erein) 5 izar

Hemezortzi urte zituen Mary Shelleyk Frankenstein idatzi zuenean. Hor sortu zuen azken mito modernoetako bat, …

Ez nuen benetan ezagutzen!

5 izar

Hasierak ederki sartu ninduen liburuan eta gustura hasi nintzen irakurtzen.

Gero bolada batez aspertuta ibili nintzen, ez nuelako espero hain atzera joan eta azalpenak emango zituenik. Gainera, idazkera berezia du eta hasieran nekeza baina gero gustagarria suerta daiteke.

Hamargarren kapitulutik aurrera bizkortu zitzaidan irakurketa eta, berriro zati aspergarriak zeudenean, hobeto onartu nituen. Izan ere, hilabeteen joana eta bidaietako denbora irakurleoi ulertarazteko, orri batzuk erabiltzea eta paisaiak deskribatzea modu ona da.

Liburua amaitzen ari zela, iruditzen zitzaidan horrelako esaldiak irakurtzen jarrai nezakeela gehiago eta gehiago. Zerbait ona baldin bada, egunero pixka bat gustura, ezta? Gainera, itzulpena bikaina dela iruditu zait.

Gogoz heldu behar zaio, baina gomendagarria!