Fakirraren ahotsa

, Harkaitz Cano

Azal biguna, 343 orrialde

Euskara hizkuntza

Susa(e)k argitaratua.

ISBN:: 978-978-8417-05-7

(7 berrikuspen)

Zer egin dohain bat daukazunean? Erabili, munduari eskaini, eta, trukean, inoren arreta jasotzera ohitu. Horixe egiten du Imanol Lurgainek bere ahotsarekin kantagintza konprometitua besarkatu eta frankismoaren kontra borrokan hasten denean. Garai horretan jasoko du bigarren larru izango duen goitizena: Fakirra. Baina ahotsa urteekin legez, aldatuz joango da bere ikuspegia, bai eta bidaideekiko harremana ere. Borroka armatua, klandestinitatea, erbeste paristarra..., mundua iraultzen saiatu zen belaunaldi baten erretratua da lau hamarkadatan luzatzen den nobela hau, sortzailearen hauskortasuna, musikaren ahalmen katartikoa, bizitza bohemioa eta denboraren igaro lasterra bezalako gaiei buruzko hausnarketaz betea eta errealitateari maileguan hartutako pasarte eta pertsonaiez josia. Zuzia irenstean erretzen ez dena da Fakirra; minari eztarrian behera bultzatzen diona. Zer dauka, ordea, esateko? Zein da bere benetako ahotsa?

Edizio 1

mikelgs (e)k Harkaitz Cano(r)en Fakirraren ahotsa liburuaren kritika egin du

Hitzaurrea falta zaio

Baloraziorik ez

Asko gustatu zait liburua.

Irakurri nahi duenari gomendatuko nioke elkarrizketa hau irakurtzea lehenengo.

SUSA argitaletxearen orrian dauden kritikak eta bideoak ere ikus ditzakezu. Eta, liburua irakurri ondoren, kritika hau ere txukuna iruditu zait.

Nire kasuan, liburuan zehar dauden hausnarketa batzuk gustatu zaizkit. Eta musikari buruzko pasarte interesgarriak ere badaude.

Liburua gomendatzen dut. Irakurtzen hasi baino lehen, nahi baduzu, entzun abesti hau! ;-)

Ander (e)k Harkaitz Cano(r)en Fakirraren ahotsa liburuaren kritika egin du

Astun samarra egin zait

2 izar

Agian ez da neure momentua izan liburu honi ekiteko, baina ez nau harrapatu ta azkenean utzi egin dut. Penaz, baina astuna egin zait eta bestelako liburu bati ekingo diot.

Mikel Iturbe (e)k Harkaitz Cano(r)en Fakirraren ahotsa liburuaren kritika egin du

Review of 'Fakirraren ahotsa' on 'Goodreads'

3 izar

Orokorrean, gustatu zait, baina biografia nobelatuak orokorrean ez dira nire liburu-mota kuttunenak. Nire ustez, egilearen beste lan batzuen mailara heltzen ez den arren (Twist datorkit burura), lan egokia da eta gomendagarria irakurtzeko, batez ere Imanol zenaren figurari buruz gehiago ezagutu nahi izanez gero.