Kritikak eta Iruzkinak

Bi aldiz egin dut bidea, gauza berriak aurkitzeko asmoz... Eta Gary Chalk-en irudiez gozatzeko... ;) Motza egin zait, esan bezala, eta apika haria puntu batzuetan nahastu egin daiteke. Hala ere oso erraz irakurtzen da, eta :spolier helghastak ekiditen ikasi dut! :spoiler. Istorioak itsasotik, lurren bsrrunbera eramaten zaitu eta lehenengoak ez zuen umore punntu bat nabaritu diot. :spoiler Kontuz tabernariekin! :D :spoiler

"Liburu-joku" bat da, gaztetako "aukeratu zure abentura" modukoak. Hartu beharreko erabakiak eta dituzun gaitasun zein ekipoak ere baldintzatzen dute. Zailtasun puntu bat du, eta D10rekin berriz zoriak ere bere indarra du. Oso gustora egon naiz irakurketa-jolasean, eta azken monstrua borroka epikoan garaitzeak badu bere xarma! Tirada onak izan ditudalako, bestela... Berriro hastera! Klasiko baten edizio berria izaki, oso txukun egin dute lana! Bigarren liburuarekin hasteko irrikitan,!

Turismoa nondik datorren, zergatik sortu zen, eta oraintxe bertan zeren islada den azaltzeko liburu ona da. Zerk egiten gaitu turista? Ze eraldaketa prozesu dituzte turistaz beteriko lurraldeak eta zergatik? Galdera hauei eta beste askori erantzuten saiatzen da egilea, eta gehienetan lortzen du. Hala era nik frantses autore askori hartzen diedan traza akademikoegia da. Hau da kontzeptu batzuk oso-oso sakon aztertzen dituzten irudipena dut, baina gero horrek zer eragiten duen, hau da ondorioak, ez dituzte hain argi azaltzen. Nik adibide gehiago eskertuko nuke, baina liburuak merezi du gaian interesa baduzue. Saiakera ez da astuna egiten irakurtzeko, eta gai interesgarriak jorratzen ditu. Esan beharra dut, erosi nuenean ez nekiela 2017an idatzitakoa zenik... egoera ez da gehiegi aldatu egia esan, baina pandemia osteko datuekin eguneraketa bat izatea ondo legoke!

Estilo aldaketa badago Brian eta Kevinen liburuan, baina ez nuke esango txarrerako denik. Gustatu zait nola sartu dituzten pertsonai berriak eta nola eman dieten, gutxi bada ere, hitza heroi handiak ez diren pertsonei berriz ere. Erritmo azkartseagoa du aita Frank-en beste eleberriak baino, eta eskertzen da. Aurreko liburuetan irekita gelditzen ziren misterio batzuk ixten ditu eta oro har esango nuke gustura irakurri dudala, gehienbat azken zatia. Agian, hainbeste "ghola" berpizteak ez dakit tramari lagunduko dion baina itxaron beharko....

Hunkitu egin nau liburuak. Agian ez zaie gauza bera pasako irakurle askori, baina Mariano ezagututa (gutxi bada ere), hunkitzeko modukoa. Bere bizitzako puntu garrantzitsuenak jorratzen dituen saiakera, batzuetan narratiba politez (Atxagaren kasu) beste batzuetan bizipenetan oinarriturik (Sos Arrazakeriaren kasu) eta beste batzuetan, hari hainbeste gustatzen zitzaizkion tertulia-elkarrizketatan sakonduz. Gaur egungo kazetaritzari buruzko hainbat gogoeta, kritika eta aurrera egiteko bideak azaltzen dira, eta baita azken urteetan jasotako aldaketak ere. Mariano Ferrer ezagutu, entzun edo jarraitu baduzu, oso irakurketa gomendagarria!

Tai-Ji irakasleak gomendatuta, (berak utzi baitzuen liburutegian) oso erraz irakurtzen den liburuxka da. Baina ez horregatik sakonera gutxikoa. Tai-Jia praktikatzen duen ororentzat interesgarria deritzot eta gehien bat hasi berrientzat. Tew Bunnag-ek dioen bezala, Tai-Jia ez da liburu batean hainbat irudi eta mugimenduen deskribapena emanez ikasten. Saiatu egin behar da, ikasteko eta denbora eskaini. Hala ere liburu honek atzetik duen filosofiarekin batzen du praktika hori, eta oinarrizko kontzeptuak modo oso errazean azaltzen ditu. Oso gomendagarria!

Asko gustatu zait liburua, eta 4-8 urteko haurrekin probatu dut pare bat aldiz, 1-3 pertsonaiekin. Umeek izugarri disfrutatzen dute haien istorien protagonista bezala, eta dadoak botatzeak nola zirrara sortzen dien ikusteak asko poztu nau! Liburuan 4 "mundu klasiko" daude aukeratzeko, (baso fantastikoa, piratak, zi-fi eta gazteluak) baina beste edozein lekutan koka daitezke istoriak. Marrazkiak eta istoriak hasteko haziak oso lagungarriak dira erraz kontakizunekin hasteko. Liburu hau gabe ere jolas zaitezke rolean umeekin? Baietz uste dut, ez da beharrezkoa egia esan, baina asko laguntzen du eskaintzen dituen baliabideekin. Sistema oso erraza da, lau ezaugarri ezarri (D12,D10, D8 eta D6) eta erronka gainditzeko 3+ atera behar. Ez du besterik. Hala ere, gomendagarria beldur horiek kentzeko! ;)

Egia esan Locus eta Nebula saria irabazi duen eleberria izanda ilusio handiarekin hartu nuen irakurtzeko. Zientzia fikzio aldetik ez du berritasun handiegirik, jada askotan irakurritako kontzeptuetan oinarritzen da, eta pertsonaiak ere sakontasun gehiegirik gabekoak iruditu zaizkit. Batzuek bazuten sakontzerik eta beste batzuk ez zuten azaldu ere beharrik, autoreak ez baditu sakonduko (nire ustez...) Istorioa aurrez ikus daitekeen klitxez beterik dago eta "maitasun romantiko" tankerako eleberri baten garapena duela iruditu zait. Alde onen artean, irakurterreza dela esango nuke, eta pertsonaiak nahiko anitzak direla. Agian 2017an hori berrikuntza bezala ikus zitekeen, baina gaur egun irakurrita, exkax gelditzen dela uste dut. Gazte izanda irakurri izan banu, agian beste kritika bat egingo nioke! ;)