Ikusi etiketatutako egoeran Paperjale.eus komunitate lokalean
«Teknologiari» buruzko solasaldia
https://etzi.pm/teknologiari-buruzko-solasaldia/
*Ursula K. Le Guin-ek 2005ean idatzitako hau egunerokoan ez ahazteko, euskarara ekarria. Teknologia dena eta ez dena, nola erabakitzen diguten gogorarazten digu testuak. Horri aurre egiteko, teknologia denon afera dela ulertzeko, teknologia beraren izaera bera zalantzan jartzea proposatzen digu Ursulak testuan. *@teketen
«Teknologiari» buruzko solasaldia
Ursula K. Le Guin-ek 2005ean idatzitako hau egunerokoan ez ahazteko, euskarara ekarria. Teknologia dena eta ez dena, nola erabakitzen diguten gogorarazten digu testuak. Horri aurre egiteko, teknologia denon afera dela ulertzeko, teknologia beraren izaera bera zalantzan jartzea proposatzen digu Ursulak testuan.
Changing Planes lanari buruzko aldeko kritika interesgarri batean, argentinar kritiko batek baieztatzen duenez, Le Guin zientzia-fikzio gogorreko idazlea ez denez, “teknologia kontu handiz saihesten duela”. Ohar bat idatzi nuen artikulu horren itzulpenean, eta hona hemen orain oin-ohar horren zabalpena — gaiak haserrea eragin didalako —.
ZF “gogorra” teknologiari buruzkoa da, eta ZF “bigunak” ez du teknologiarik, ezta? Eta nire liburuek ez dute teknologiarik, psikologia eta emozioak bezalako gai xaloak bakarrik interesatzen zaizkidalako.
Hori ez da zuzena. Nola liteke edozein benetako zientzia fikzioak eduki teknologikorik ez izatea? Bere interes nagusia ingeniaritzan edo makinen funtzionamenduan ez badago ere — nire lan gehienek bezala, adimenek, gizarteek eta kulturek nola …
«Teknologiari» buruzko solasaldia
Ursula K. Le Guin-ek 2005ean idatzitako hau egunerokoan ez ahazteko, euskarara ekarria. Teknologia dena eta ez dena, nola erabakitzen diguten gogorarazten digu testuak. Horri aurre egiteko, teknologia denon afera dela ulertzeko, teknologia beraren izaera bera zalantzan jartzea proposatzen digu Ursulak testuan.
Changing Planes lanari buruzko aldeko kritika interesgarri batean, argentinar kritiko batek baieztatzen duenez, Le Guin zientzia-fikzio gogorreko idazlea ez denez, “teknologia kontu handiz saihesten duela”. Ohar bat idatzi nuen artikulu horren itzulpenean, eta hona hemen orain oin-ohar horren zabalpena — gaiak haserrea eragin didalako —.
ZF “gogorra” teknologiari buruzkoa da, eta ZF “bigunak” ez du teknologiarik, ezta? Eta nire liburuek ez dute teknologiarik, psikologia eta emozioak bezalako gai xaloak bakarrik interesatzen zaizkidalako.
Hori ez da zuzena. Nola liteke edozein benetako zientzia fikzioak eduki teknologikorik ez izatea? Bere interes nagusia ingeniaritzan edo makinen funtzionamenduan ez badago ere — nire lan gehienek bezala, adimenek, gizarteek eta kulturek nola funtzionatzen duten gehiago interesatzen baitzait —, hala ere, nola egin dezake inork etorkizun edo kultura estralurtar bati buruzko istorio bat bere teknologia, inplizituki edo esplizituki, deskribatu gabe?
Inork ezin du. Ezin dut imajinatu zergatik nahiko luketen ere.
Gizarte batek errealitate fisikoari aurre egiten dion era da teknologia: nola lortzen, gordetzen eta prestatzen duen jendeak janaria, nola janzten den, zein energia-iturri dituen (animali-indarra? ura? haizea? elektrizitatea? beste bat?) zerekin eta zer eraikitzen duten, bere osasungintza… eta abar. Agian oso jende etereoari ez zaizkio interesatzen gorputzeko kontu mundutar horiek, baina liluratu egiten naute, eta uste dut nire irakurle gehienei ere.
Teknologia mundu materialarekiko giza interfaze aktiboa da.
Baina hitza etengabe gaizki erabiltzen da azken hamarkadetako teknologia konplexu eta espezializatuak bakarrik adierazteko, baliabide naturalen zein giza baliabideen ustiapen masiboan oinarrituta.
Hau ez da hitzaren erabilera onargarri bat. “Teknologia” eta “Teknologia aurreratua” ez dira sinonimoak, eta “aurreratua” ez den teknologia ez du zertan nahitaez “baxua” izan beharrik.
Ehun eta berrogeita hamar urteko trebetasun teknikoaren etengabeko hedapenak hainbeste gogortu gaitu, ezen uste dugu ordenagailu batek edo bonbardaketa-hegazkin bat baino konplexuagoa eta ikusgarriagoa denak soilik merezi duela “teknologia” bezala izendatzea. Lihoa linazia gauza bera balira bezala — papera, tinta, gurpilak, labanak, erlojuak, aulkiak, aspirina pilulak, gauza naturalak balira bezala, gure hortzak eta hatzak bezala gurekin batera sortuak — kobrezko hondoa duten altzairuzko lapikoak eta beira birziklatuz eginiko txaleko polarrak zuhaitzetan haziko balira eta heldutakoan jasoko bagenitu bezala…
Teknologia gehienak nahiko “aurreratuak” direla adierazteko modu bat da norberak bere buruari galdetzea: badakit horrelakorik egiten?
Pospolorik gabe su bat piztu duenak, ziur aski, nolabaiteko errespetua izango du teknologia “baxu”, “primitibo” edo “sinple” horiekiko; pospoloekin sua piztu duenak, berriz, asmakizun teknologiko aurreratu bikain hori errespetatu beharko luke.
Ez dakit hozkailu bat eraikitzen eta energiaz-hornitzen, ezta ordenagailu bat programatzen, baina ezta amu bat edo zapata pare bat egiten ere. Ikas nezakeen. Denok ikas dezakegu. Hori da teknologien alde ona. Egiten ikas dezakeguna dira.
Eta zientzia fikzio oro, modu batera edo bestera, teknologikoa da. Baita hitzak zer esan nahi duen ez dakien jendeak idazten duenean ere.
Hala ere, ados nago nire iritzi-emailearekin ez dudala zientzia fikzio gogorrik idazten. Agian zientzia fikzio erraza idazten dut. Edo agian gauza gogorra barruan dago, ezkutatuta — hezurrak bezala, exoeskeleto batekin alderatuta…
— Ursula K. Le Guin, 2005
Originala: https://www.ursulakleguin.com/a-rant-about-technology
Irudia: https://commons.wikimedia.org/wiki/File:Ursula_K._Le_Guin_signature.svg
#etorkizuna #feminismoa #itzulpena #teknologia #UrsulaKLeGuin #zientziaFikzioa #ZiFi
@mikelgs @Sailu Liburu bikaina, @Talaios_Liburutegia ezinbesteko #ZiFi erreferentzia.
«Eta bihar zer jarriko dugu hutsunean?
Egunsenti edo ilunabar bat jarriko dugu
Eta zerbait jarri behar da, ala?»
[Vicente Huidobro "Altazor"]
+ https://es.wikipedia.org/wiki/Altazor
Gaurko egunarekin jaio ziren «hutsa betez» joan zitzaizkigun Jorge Oteiza eta Ursula K. Le Guin.
+ https://eu.wikipedia.org/wiki/Jorge_Oteiza
+ https://eu.wikipedia.org/wiki/Ursula_K._Le_Guin
Ohore betiko ⬛🟥
#ZiFi #Oteizaleak #UrsulaKLeguin
«Zer egin baina garai ilunotan? Bizi dugun fase kontserbadorea errealitatea dela ulertuz, estrategia nostalgiaren bidetik eraikitzeko tentazioari eutsi, eta modu sortzailean posiblearen markoak hautsi eta ikuspegia zabaldu behar dugu»
#ZiFi eta #Utopia beharraz idatzi nuen duela 6 urte @erria aldizkariaren lehen alean, gaurko balio du:
https://erria.eus/sinadurak/zientzia-fikzioaren-alde-utopia-berriak-lantzeko-ordua
El imperio de Laconia ha caído y los mil trescientos sistemas planetarios han logrado liberarse …
'Rocinante' espazio-ontziko Jim, Naomi, Alex, Amos eta lagunak ia etxeko sentitzen ditut #TheExpanse sailaren 9. liburua (eta azkena) irakurri berritan. Pena pixka bat ere sentitzen dut saila amaitu delako. en.m.wikipedia.org/wiki/The_Expanse_(novel_series) #ZiFi irakurketa gozagarria izan da, sasa?
El imperio de Laconia ha caído y los mil trescientos sistemas planetarios han logrado liberarse …
Bederatzigarren eta azkenarekin hasi naiz. #ZiFi
Saileko zortzigarrena, dosiak ondo tartekatuta erabat gozagarria egiten ari zaidan 'space opera' moduko #ZiFi interesgarria.
Kateaturiko hondamendi multzoen ondotik, XXII. mendean, Numun gizartea sortu dute kokaleku ezezaguneko irlan, landare luminiszenteen …
Oso gustura irakurri dut komiki distopiko-utopikoa, eta plazera da euskaraz horrelako #ZiFi lanak aurkitzea. Abiapuntu bikaina du, kolapso ekosoziala bera, eta sufrimendu askoren ondoren sortutako kolonia-gizarte berri baten promesa. Gizarte berriaren kokapena eta garapenak berriz mundu berria eta aurrekoaren alderik ilunenak uztartzen ditu arraro-berri elementuekin. Marrazki eta estetika bikainak munduari forma ematen dio, baina batzuetan denboren artean apokalipsitik mundu berri arrarorako elementuak falta direla iruditu zait. Jarraipena izateko hariak baditu, gustora irakurriko nuke datorrena.
@txo_elurmaluta Bai, #ZiFi antropologikoa Edo, zoragarria. Ursularen Terramar fantasia zikloa ere bikaina da.
Rebel Moon, Netflixen estreinatua nahiko txarra da, space-opera eta marvel nahasketa bat, intentsitate gutxikoa.
Eta trilogia omen da...
#ZiFi
Kateaturiko hondamendi multzoen ondotik, XXII. mendean, Numun gizartea sortu dute kokaleku ezezaguneko irlan, landare luminiszenteen …
Atzo Durangon erosi eta Yurre eta Julenek sinatua, gauean bertan hasi nintzen irakurtzen. Astebururako #ZiFi eta komiki irakurketa gozagarria.
Talaios Liburutegian, kolapsismoarentzat antidoto, eta aldaketa klimatikoaren etorkizuna ulertzeko liburu bat. #ZiFi
@birasuegi @anagalarraga1 @RiverRock @desertorea @garkopeke @astrapotro @izarobasurko @Talaios_Liburutegia saga hau dagoeneko @Behizain paperjaleak badauka komentatua.
https://paperjale.eus/book/5415/s/la-quinta-estacion
https://paperjale.eus/book/24546/s/el-portal-de-los-obeliscos
https://paperjale.eus/book/24429/s/el-cielo-de-piedra
Suposatzen dut inportatu egin zituela iruzkinak eta liburu horiek txukundu daitezke: sinopsia gehitu (gaztelaniaz) etab.
Eta hari honetan guztiok komentatzen ari zareten #ZiFi liburuak zerrenda hauetan gehitu beharko, ezta? https://paperjale.eus/search?q=zi-fi&type=list
@anagalarraga1 @RiverRock @desertorea @garkopeke @mikelgs @astrapotro @izarobasurko
Bai, Ursula ezinbestekoa da #ZiFi-an, eta fantasian #Terramar-eko sailarekin. Beste gomendio bat ZiFi+Fantasia nahasten dituena eta lehen aldiz trilogiako hiru liburuekin Hugo saria irabazitako #TheBrokenEarth, N.K. Jemisin-ena.
https://eu.m.wikipedia.org/wiki/N._K._Jemisin
@Talaios_Liburutegia|n dauzkagu denak (Igo behar ditut paperjalera, eta bide batez Wikipediako artikulua osatuko dut).
