Twist

izaki intermitenteak

, Harkaitz Cano

Azal biguna, 432 orrialde

Basque hizkuntza

2011ko abu. 18a(e)an Susa(e)n argitaratua.

ISBN:: 978-84-92468-34-8

OpenLibraryn ikusi

(9 berrikuspen)

Soto eta Zeberio bahitu, torturatu, hil eta desagerrarazi egin zituzten.

Diego Lazkano idazleak gogoan betiko txertaturik daramatza bi lagunak, ezin ditu oroimenetik uxatu, bi itzal haietatik elikatzen ari da hogeitaka urtetan, Soto eta Zeberioren ordez bizi ote den zalantzarekin, haien ordez bizitzea balitz bezala bere erantzukizuna. Bizitza bakarrean hiru bizitza bizitzea posible balitz bezala.

Norbere larrutik ihes egin eta larru berri bila itsumustuan dabilenaren desafioak, korapiloak, menturak kontatzen ditu Harkaitz Canok laugarren nobelan. Errua, maitasuna, traizioa, sexua, indarkeria, lotsa, justizia, erredentzioa, usurpazioa, antzezpena... asko dira kontakizun laster eta zabal honetako hariak, baina denen gainetik nagusitzen da adiskidetasunari egindako kantua.

3 edizio

Dabid (e)k Harkaitz Cano(r)en Twist: izaki intermitenteak liburuaren kritika egin du

Ilunak gara baina ez gaitzala zahartzaroak erokeriarik egin gabe harrapa

5 izar

Liburu honek hasiera-hasieratik harrapatu nau. Zergatik itxaron ditut hainbeste urte marabilla hau irakurtzeko? Oso ezaguna den lehen kapitulua zoragarria da, baina gainerako kapituluek apurka-apurka desagertzen ari den baina inoiz desegiten ez den lanbro batean murgiltzen zaituzte. Lazkano, Soto eta Zeberioren historiari buruzko liburua baino askoz gehiago da. Gizatasunez beteriko istorioa(k) eta literaturari, arteari, musikari egindako oparia...

Pertsonaiak akatsik gabeak dira, elkarren artean nola nahasten diren eta istorioaren egitura eta kontatzeko era ikaragarria, background politiko nabarmena, mila eta bat giza perspektiba... Harkaitz Canoren libururik onena irakurri dudalakoan nago. Oda bat adiskidetasunari, konpromisoari, umoreari, gatazkari, gezurrari, egiari...

En fin, 5 izar ematen dizkiot 100 eman ezin dizkiodalako.

izaro (e)k Harkaitz Cano(r)en Twist: izaki intermitenteak liburuaren kritika egin du

Bikaina

5 izar

Trama oso ondo garaturik, eta zatika idatzirik, pertsonaia bakoitzaren ikuspuntu eta pentsamoldea erakutsiz. Diego Lazkano protagonistaren haria jarraitzen bada ere, beste pertsonaia askoren bizia ezagutzeko aukera ematen du,historia askoz ere mamitsuagoa izatea ahalbidetzen duelarik. Soto eta Zeberio beti daude present lehenengo kapitulu zirraragarritik hasita. Hasiera itzela da benetan. Zatikatutako trama horrek, oso ondo ixten du Euskal Herriko garai ilunen puzzlea. Hagitz gustatu zait!