Dalloway andrea - Paperjale.eus

Azal biguna, 267 orrialde

Euskara hizkuntza

2014ko abu. 31a(e)an Edo!(e)n argitaratua.

ISBN:: 978-84-940489-7-5

(berrikuspen 1)

«Dalloway andreak esan zuen berak erosiko zituela loreak». «Hantxe zegoen-eta Clarissa». Bi esaldi horien artean, egun bakar bat igaroko da, baina aldi berean pertsona askoren bizitzak osorik agertuko ditu Virginia Woolfek irakurlearen begietara. Festa bat antolatu du Clarissak (Dalloway andreak), eta hori du kezka bakarra, inguruan dituen pertsonaiek eta munduak biraka jarraitzen duten bitartean, zenbaitek goraka, zenbaitek amildegira, espiralean bezala. Egun bakar hori eta iduriz arrunt hutsala den Clarissaren festa aitzakia nahikoak zaizkio Woolfi, 1920ko hamarkadako Ingalaterran bizi diren pertsonaia horien guztien sakoneko putzuetan arrantza egiteko: iraganetik orainera eta berriz atzera eginez etengabe (gero izango dena proiektatuz), pertsonaietako bat eta bakoitzaren oroitzapenak, beldurrak, mamuak, itxaropenak eta barne elkarrizketa ugariak josiz. Eta norbanakoen mundu aberats horrez gain, iduriz arrunt hutsala den festa horren aitzakiarekin, beste hainbat gai plazaratzeko abilezia ere badu Woolfen testuak: maitasuna, homosexualitatea eta giza harremanak, gizarte egitura eta emakumeen rola, eromena eta hura artatzeko moduak, lehen mundu gerra, …

«Dalloway andreak esan zuen berak erosiko zituela loreak». «Hantxe zegoen-eta Clarissa». Bi esaldi horien artean, egun bakar bat igaroko da, baina aldi berean pertsona askoren bizitzak osorik agertuko ditu Virginia Woolfek irakurlearen begietara. Festa bat antolatu du Clarissak (Dalloway andreak), eta hori du kezka bakarra, inguruan dituen pertsonaiek eta munduak biraka jarraitzen duten bitartean, zenbaitek goraka, zenbaitek amildegira, espiralean bezala. Egun bakar hori eta iduriz arrunt hutsala den Clarissaren festa aitzakia nahikoak zaizkio Woolfi, 1920ko hamarkadako Ingalaterran bizi diren pertsonaia horien guztien sakoneko putzuetan arrantza egiteko: iraganetik orainera eta berriz atzera eginez etengabe (gero izango dena proiektatuz), pertsonaietako bat eta bakoitzaren oroitzapenak, beldurrak, mamuak, itxaropenak eta barne elkarrizketa ugariak josiz. Eta norbanakoen mundu aberats horrez gain, iduriz arrunt hutsala den festa horren aitzakiarekin, beste hainbat gai plazaratzeko abilezia ere badu Woolfen testuak: maitasuna, homosexualitatea eta giza harremanak, gizarte egitura eta emakumeen rola, eromena eta hura artatzeko moduak, lehen mundu gerra, kolonialismoa eta migrazioak… Eta galdera bat, oinarrian: zer egin, nola egin, zorionari eusteko bizitza honetan?

Edizio 1

bixerdo (e)k Virginia Woolf(r)en Dalloway andrea liburuaren kritika egin du (Literola, #2)

Dalloway andrea, Virginia Woolf (Itziar Diez de Ultzurrun itz.)

3 izar

Irakurri beharreko liburu horietakoa da, klasiko bat, baina... apur bat astuna egin zait.

Consonnik 'belefunding' bitartez argitaratu zuen "Gela bat norberarena" (Maria Colera Intxausti itzultzaile) gehiago gozatu nuen eta liburuak berak gehitzen duen "Etxeko Aingerua hiltzea" diskurtsoa (Ana Morales itzultzaile) ere gehiago gustatu zait. Virginia Woolf Ez-fikzioa idazten duenean gehiago gustatzen zaidala esango nuke.

Aipamen berezi bat argitaletxearentzat. Edo! 'belefunding' bitartez ere sortutako lau ero maitagarrien asmoa izan zen eta amaitu zenean beraien webgunean eskegi zituzten liburuen pdf fitxategiak (ez dakit ziur baina denak ez baziren, gehienak CC-BY-NC-ND lizentziarekin argitaratu ziren) eta orain Armiarmako beste zoro maitagarriek eskaintzen dute Dalloway andrea beraien webgunean: armiarma.eus/edo/liburua-dalloway_andrea