Back
Ni ez naiz Mikel Laboa (Hardcover, Euskara language, Elkar) 5 stars

Euskal kantaririk miretsiena eta maitatuena, sasoi baten, geografia baten eta jendarte baten ispilu da Mikel …

Euskal kantari ospetsuaren biografia literarioa eskaintzen digu komiki honek. Kantautore donostiarraren heriotzaren hamargarren urteurrenaren harira Mikel Laboa Katedraren eskariaren ondorioz egina. Egileen esanetan ez da biografia ofizial bat. Hori argi islatzen da komikiaren hasieratik, western bat izango balitz bezala abiatzen da-eta. Baina bada saiakera aski landu bat, azaltzeko zergatik hartzen dugun idolo gisara eta zergatik daukagun aldarera igota. Tentazioa litzateke beste herrialde eta kulturetako izarren biografia epikoa errepikatzea, baina hori egin ordez (zorionez) euskal erara eta euskal baloreak ardatz hartuta interpretatu dute gure kantariaren ibilbidea. Laboa herritar xume gisa aurkezten zaigu, haren alde gizatiarra islatzen da, beti ere (euskaldunon artean estimatu ohi diren) balore esanguratsuak nola betetzen zituen azpimarratzen: umila, ogibide humanista (haurren psikiatra), errepresioak sortutako abertzale ez-fanatikoa, parranderoa baina buruargia (ikasketak aurrera ateratzeko modua nola errepresentatu duten ikusi besterik ez dago), lagunkoia, sufrimenduaren eramaile isila (bihotzeko gaitza izan zuen txikitatik). Alde artistikoari dagokionez, berezko kantari gisa aurkezten da, naturaltasunez …

@Galtzagorri_elkartea kaixo! Iruzkin landua iruditu zait, eskerrik asko! (Beharbada paragrafoak hobeto bereiztea komeni zen, errazago irakurtzeko, ez dakit, mugikorretik ari naiz begiratzen).

Hala ere, beste gauza bat da proposatu nahi dizuedana: agian hobe da Kritika bezala argitaratzea testu hori? Modu horretan liburuaren azpian jasota geratzen da etorkizunerako, naiz eta zuen erabiltzailea ez jarraitu, jendeak hor ikusiko du liburuaren beheko aldean. Iruzkina zuei gordeta geratzen zaizue, liburuaren azpian, baina besteoi ez. Zuek jarraitzen zaituztedalako ikusi dut nik, baina denbora-lerroan behera galdu egingo dela uste dut.

Horregatik, nahiz eta pixka bat iruzkina izan zuen testua, Kritika gisa argitaratzeko proposamena egiten dizuet (posible da izarrik ez jartzea, izenburua eta testuarekin aski). Uste dut horrela funtzionatzen duela, abisatzearren zen, besterik ez! 😄👍😘👋