Elkarrekin esnatzeko ordua

, #117

,

Azal biguna, 334 orrialde

Euskara hizkuntza

2016ko aza. 10a(e)an Susa(e)n argitaratua.

ISBN:
978-84-92468-92-8
ISBN-a kopiatu!
Goodreads-en giltza:
33826880

Inventairen ikusi

5 izar (2 berrikuspen)

Egiazko pertsonaiek eta gertakariek bilbatzen dute Kirmen Uriberen hirugarren eleberriko kontakizuna: Karmele Urresti eta Txomin Letamendiren askatasun egarria eta erresistentzia bipila.

  Gerra galdua zelarik Euskal Herrian, Karmele erizain ondarrutarrak eta Txomin musikari bilbotarrak Eresoinka taldean ezagutu zuten elkar, Paristik gertu, Belloy jauregian; eta han topo egin zuten aspaldiko lagun batzuek ere, Antonio Gezala margolariak eta Manu Sota idazleak.

  Alemaniarrek Frantzia okupatu baino lehen Letamendi-Urresti senar-emazteek ihes egin zuten Caracasera, baina Agirre lehendakariaren agindu batek atzera bueltan ekarri zituen Bilbora 1943an, zerbitzu sekretuetan faxismoaren aurka borrokatzera.

  Familia baten bizipenak jasoz, ametsen eta ezintasunen kronika nobelatua duzu hau, XX. mendeko gure historiaren atal berezi bat.

Edizio 1

(e)k Kirmen Uribe(r)en Elkarrekin esnatzeko ordua liburuaren kritika egin du (Narratiba, #117)

Liburu bat familia baten eta herriaren memoria ez galtzeko.

5 izar

Karmelek eta Txominek Frantzian ezagutu zuten elkar. Handik aurrera elkarrekin egin zuten bidea, bizitza. Hiru seme-alaba eduki zituzten, honaino guztiz normala. Baina haien garaia ez zen erraza izan: Espainako guda, II. munduko guda, diktatura, atzerriratze, konpromiso eta faxismoaren kontrako borroka.

Nahiz eta eleberria izan, benetazko pertsonaiak dira. Liburuaren bidez Kirmenek Espainako historiaz hitz egiten digu bi helburu nagusirekin, hau da, familia horren memoria eta herriaren memoria inoiz ez galtzeko, betiko mantentzeko.

(e)k Kirmen Uribe(r)en Elkarrekin esnatzeko ordua liburuaren kritika egin du (Narratiba, #117)

Review of 'Elkarrekin esnatzeko ordua' on 'Goodreads'

4 izar

Familia abertzale (egiazko) baten bizipenak kontatzen ditu Uribek liburuan era nobelizatuan. Bertan, familiak Espainiako gerra zibila, Bigarren Mundu Gerra eta frankismoan zehar pairatzen dituen errepresioa, militantzia, erbestea... azaltzen ditu, espioien nobelen ikutu batzuekin. Horretarako, datuekin eta iturri fidagarri eta testigantzetan oinarritzen da Uribe.

Oro har irakurtzeko moduko eleberri interesgarria, gerraosteko giroa, itxaropenak eta etsipenak ezagutzeko.