Autorea ezagutzen nuen, informatikaria eta nire interesekoak diren gai batzuetan aditua den heinean. Oraingoan, Zalewskik, segurtasun informatikoa alde batera utzi eta prepping-ari buruzko liburua idatzi du. Bere idazketa estiloa gustukoa izanik, eta nahiz eta prepping-arekin interes askorik ez izan, aukera eman diot liburuari, eta pozten naiz eman izanaz. Egia esan, prepping-aren kontua nahiko modan dago orain, baina nahiko arrotza izan naiz mundu horrekiko daukan kutsu horregatik (bortxaren inguruko erretorika, konspirazioa, indibidualtasun muturrekoa...).

Liburu honek prepping-erako beste ikuspegi bat azaltzen du. Ez du fokua jartzen prepper kulturan zentrala den ebentu apokaliptiko/Mad Max/bortxazko baten zentratzen, baizik eta egunerokotasunean izan ditzakegun beste gertakari arruntagoetarako (lanpostuaren galeraedo elektrizitate-mozketak, adib.) nola prestatu ahal garen ahalik eta erosoen aurre egin ahal izateko. Arrisku eta eszenario desberdinen balorazioa egiteko aukera desberdinak ere planteatzen ditu. Orokorrean, gertakari desberdinen aurrean erresilientzia nola handitu era praktiko eta ez-apokaliptiko batean interesa baduzu, eman aukera bat liburuari. Hori bai, irakurle estatubatuarrentzat dago bereziki bideratuta, nahiz eta mezu gehienak orokorrak izan.