Tigris ibaiaren ertzean, gerrak odolez blaituriko lurretan, ezkontzatik kanpoko maitasun harreman batek heriotzara kondenatu du neskatxa bat. "Gurean, hobe da neska hila ama ezkongabea baino", dio pertsonaia nagusiak. Liburuan, idazleak agerian jartzen ditu emakumeen aurkako indarkeriaren mekanismoak eta ohorearen legea. Amir anaia nagusiaren zeregina da familiaren ohorea garbi mantentzea familiako gainerako kideek bidegabekeria onartzen edo haren aurrean isiltzen diren bitartean. Irakeko errealitate konplexua inspirazio iturri hartuta, eta Tigris ibaia lekuko gisa erabiliz beste ahots bat gehiago balitz bezala, idazleak prosa iradokigarria darabil tragedia azaltzeko, nahiz eta, liburuaren laburtasun dela eta, ez duen sobera sakontzen pertsonaien argi-itzal eta kontraesanetan, eta, hortaz, irakurle hau prosa iradokitzaile horren orrialde gehiagoren egarriz geratu da Tigris ibaiaren ertzean. #PaperjaleZozketa