Oso arriskutsua iruditzen zaidan gai baten inguruko eleberria da Termination shock: geoingeniaritza. Etorkizun nahiko hurbilean kokatua. Beroketa globalak okerrera egin du eta AEBetako aberats bat estratosferan sufre dioxidoa botatzen hasi nahian dabil. Hurrengo hilabeteetan tentsio geopolitikoak, jukutriak... izango dira nagusi.

Pertsonaia batzuk besteak baino gehiago gustatu zaizkit, eta zatiren bat luze xamarra egin zait, baina orokorrean 700 orri pasatxoko liburukotea interesgarria iruditu zait. Gauza batzuetan asmatuko duela uste dut, adibidez, spoiler handirik egiteko asmorik gabe, eskuin muturrak klima aldaketa ukatzetik geoingeniaritza babesterako jauzia emango duela.