Azal biguna, 144 orrialde
2003ko ots. 16a(e)an Alberdania(e)n argitaratua.
Kemalen obra guztian agertzen diren ezaugarri gehienak biltzen dira. Ekialde Hurbileko ahozko tradizioak bildu ditu bere liburuetan, herriaren esperantzak eta miseriak. Tradizioaren zaporea duten testuak eratzen ditu, eta erdibidean dago Indiako epikotasun klasikoaren eta bidelapur zintzoei buruzko narrazio erromantikoen artean. Bizi-bizirik daude, elkarren kontrako lehian batzuetan, bizitzaren sentimendu eta errealitate funtsezkoenak: maitasuna, eginbeharra, heriotza, elkartasuna, duintasuna, ohorea. Kemalek hats mitikoko historia bat eskaintzen dio irakurleari, prosa aberats eta oparoaren bidez. Lirikotasun paregabea eransten dio Kemalek bere lanari, paisaien eta urtaroen deskripzioan batik bat. Bere hitzei, bestetik, giza duintasunaren zentzua eta balorazioa darizkie. Kemalek modu poetikoan defendatzen du beren lurraren izenean borrokatzen diren behartsuen kausa. Literatura ere baliatu du herri kurduaren defentsan.
Antzineko Kurdistango tradizioan oinarrituta, istorio epiko gisa girotua, tentsio eta dramaren zurrunbiloak eramaten zaitu. Boterearen inguruko hausnarketa sakona ere bada. Oso gomendagarria!!
