Matematika, hezkuntza eta generoa gurutzatzen diren lekuak

Kintsugi hitzak "urrezko konponketa" esan nahi du japonieraz. Pitzatutako zeramikazko objektuak konpontzeko teknika bat da, zartadurak disimulatu beharrean urre hautsarekin nabarmentzen dituena. Atzean dagoen filosofia da arrakalak eta konponketak objektuen historiaren parte direla, beren bilakaera ageriko egiten dutela eta, beraz, ezkutatu ordez, erakutsi eta balioetsi egin behar direla.

Batzuetan, kintsugi teknika jatorrizko piezaren puskak erabiliz objektua berregitean datza; beste batzuetan, aldiz, hainbat lekutatik eratorritako zatiak elkartuz zerbait berria osatzean. Bigarren hori da doktore tesi honetan egin nahi izan dudana...