Bi abentura eta amodio bat

, ,

210x137x16, 200 orrialde

Euskara hizkuntza

Alai Argitaletxea(e)k argitaratua.

ISBN:
978-84-122916-3-6
ISBN-a kopiatu!

OpenLibraryn ikusi

Baloraziorik ez (berrikuspen 1)

Pedro, atzerrian ibili eta gero, bueltan dator sorterrira. Gazte joan zen etxetik, eta artean gazte bada ere, hamaika gorabehera biziak ditu jadanik. Diligentzia batean datorrela bidelapur batzuek gerarazi eta bidaiariei aldean daramatena kendu diete. Horrez gainera, diligentzian zihoan neska bat bahituta eraman dute. Pedrori urrea baino balio handiagoa duen zerbait ere kendu egin diote: kutun bat. Kanadako neska indiar batek eman zion, sekula ahaztuko ez duen neskak. Hortaz, Pedro lapurren bila hasiko da, eta ez du atseden hartuko neska askatu eta kutuna berreskuratu arte. Ternuan bizi izan zituen abenturak ikaragarriak izan baziren ere, Euskal Herrikoak ez dira gutxiago izango, baina, bi abentura hauetan, momentuz, amodio bakarra dago.

Edizio 1

(e)k Miguel Ángel Mintegi(r)en Bi abentura eta amodio bat liburuaren kritika egin du

Galtzagorri elkartearen iruzkina (Liburu Gaztea egitasmoa; Imanol Mercero)

Baloraziorik ez

Misteriozko narrazioa da, ukitu kostunbristak dituena. XVII (edota XVIII) mendean kokatuta dago. Euskal Herriko gazte baten biografiako bi pasarte kontatzen dira, ekintza eta abentura kutsu handikoak. Horregatik liburua bi zatitan banatuta dago: “Lehen zatia”, kronologikoki beranduago gertatzen diren gertakariak kontatzen dituena, eta “Bigarren zatia”, protagonistak haurtzaroa utzi eta gizarteratzeko pausoak ematen dituenekoa, hala lan munduan nola maitasunean.

Nobelaren ardatza dira zintzotasuna, eskuzabaltasuna eta balore humanistikoen gorazarrea, pertsonaia on eta gaiztoen kontrajartzea erabilita. Gertakariek ongia gailentzen dela iradokitzen dute, baina ez esfortzu edota sufrimendurik gabe.

Liburua berrehun orrialdez luzatzen bada ere, bi atalak hainbat kapitulutan banatuta daude (hamabi eta bederatzi, hurrenez hurren), pertsonaia nagusi gutxi daude, bigarren mailakoak ez dira asko, eta kontaketak hari kronologikoa jarraitzen du. Hortaz, irakurketa luze eta erraza dela esan daiteke.

Zerrendak