Laura esaten zioten

Miren Odriozolaren borrokak

,

Azal biguna, 218 orrialde

Euskara hizkuntza

Txalaparta(e)k argitaratua.

ISBN:
978-84-16350-71-1
ISBN-a kopiatu!
5 izar (4 berrikuspen)

1980ko hamarkadan, hainbat euskal herritar, internazionalismoaren banderapean, Hego Amerikako hainbat herrialdera joan ziren bertako iraultzetan parte hartzera. Batzuk El Salvadorrera jo zuten eta FMLNk gidatzen zuen matxinadarekin bat egin zuten. Ezagun ditugun borrokaldi horren lehen lerroan hil ziren Pakito Arriaran, Begoña Garcia Arandigoien edota Marta Gonzalez, baina horiekin batera beste internazionalista asko egon ziren, euskaldun zein ez, eta horien izenak guztiz ezezagunak dira. Miren Odriozola horietako bat izan zen; guduan parte hartu zuen, sanitaria gisa, hasiera batean, eta bestelako ardura ugarirekin gerora. Laura esaten zioten. Borroka anitzetan hartu zuen horren aurretik eta ondoren: ETAko kide, Francoren kartzelak ezagutu zituen; borroka feministaren parte izan zen; Auzitegi Nazionalak Udalbiltzan egindako lanagatik auziperatu zuen... Liburu hau bizitza eta mundu osoa borrokazelai izan duen emakume baten biografia da, izan ere, Mirenek berak dioskunez: "Nire uste apalean, abertzale euskaldunok frogatu dugu, gure herria maitatzeaz gain, beste herriak ere maite ditugula, gutako batzuk euren biziak lur …

Edizio 1

(e)k Leire Ibarguren(r)en Laura esaten zioten liburuaren kritika egin du

  • Abu 3
  • Abu 3(e)an editatua
  • Publikoa

Zer pentsatua ematen duen liburua

5 izar

El Salvardorreko gerrari buruz irakurri dudan libururik hurbilena, bertan borrokan aritu zen euskaldun baten historia delako eta bere sentimendu eta bizipenetan oinarritua dagoelako. Agian horregatik ere iruditu zait 'Las mil y una historias de Radio Venceremos' eta 'La terquedad del izote' liburuek baino hobe isladatzen duela gerra zein gogorra izan zen.

Ze garrantzitsua den Miren Odriozolaren historia (eta antzekoak bizi izan zituztenenak) ezagutzea, konpromisoa, elkartasuna eta umiltasunari buruz ikasteko, gure herriaren historia ezkutua direlako, eta munduko herrien (eta, kasu honetan, El Salvadorren) askapen borroken perspektiba historikoa hartzeko.

(e)k Leire Ibarguren(r)en Laura esaten zioten liburuaren kritika egin du

Izebari buruz hainbat kontu argitu zizkidan

5 izar

Ez naizenez literaturaz inolako aditua, idazkeraz baino liburu honek nigan sortu zituen sentimenduak aipatu nahiko nituzke.

Familian urteetan gorde eta ezkutatu den izeba Mirenen bizitzako niretzat ezkutuko zati bat kontatzen baitu. Izeba asko mirestu izan dut beti, borrokalaria, ameslaria eta gizarte hobeago bat eraikitzeko pertsona gogotsua baita. Baina, niretzat ezkutuan zeuden ETAko propagandako kide izana, Bilboko Artiach-en sindikalista ibilia eta El Salvadorren "oporretan" egiten zituen egonaldien berri liburu honen bidez jakiteak izebarekiko nuen ikuspegiari beste buelta bat eman diot.

Izugarria eta aldi berean ia ulergaitza iruditzen zait hainbat internazionalistek ideal eta kontzientziak bultzatuta beste gerra eta borroka batzuetan nola parte hartu zuten irakurtzeak. Izugarria gertuko pertsona bat horrela ibili zela ikusteak, ia bere bizia galtzeraino. Eta etxera tarteka ekartzen zizkigun oparien (arto zurtoinez eginiko panpinak, egurrezko Ninja Dortoken kotxea...) atzean zer istorio dauden deskubritzea. Gu beti izaten ginen oparien zain.

Niretzat aldaketa izan da, eta oraindik ere hor dabilkigu, mugimendu …

(e)k Leire Ibarguren(r)en Laura esaten zioten liburuaren kritika egin du

Review of 'Laura esaten zioten' on 'Goodreads'

5 izar

Laura esaten zioten baina Miren Odriozola zen. Askotan entzun dugu Pakito Arriaranen izena, baina inoiz ez Mirenena, eta ze garrantzitsua den holako bizipenak ezagutzea.

Irakurtzen ari nintzen bitartean, “Agnese va a morir” liburua etorri zait burura, borroka armatua ez delako bakarrik armak hartzea, hori egiteko eta irauteko baldintzak bermatzea ere bada.

Sekulako lana egin zuen Mirenek, El Salvadorren FMLNean, baita Euskal Herrian ere, Herri Batasunan, Udalbiltzan eta hainbeste mugimenduetan.

Nire miresmen osoa. Eskerrik asko zure borrokagatik.

avatar for Irati

baloratu du

5 izar