Azal biguna, 152 orrialde
2012ko aza. 18a(e)an Txalaparta, S.L.(e)n argitaratua.
«Nork esan behar zigun, herri honetan gertatu diren guztiak gertatuta, azkenean hondakinak izango zirela herrialde honetako eztabaidagai nagusia?». eajko bozeramaile baten hitz horiek hiritar askoren buruan ibili dira azkenaldian. Baina gaur egun Gipuzkoan hondakinen inguruan dagoen gatazkak erro sakonak ditu; izan ere, 2002an Gipuzkoan errauste plantak egiteko lerratu ziren interes politiko eta ekonomikoekin herritarrek izan duten talka dago egoeraren oinarrian. Alegia, errauste plantak eraiki behar zirela erabaki zuenak ez zuen pentsatuko hondakinak gutxitu, berrerabili, konpostatu eta birziklatzeko mugimendu bat sortuko zela Gipuzkoan, zero zabor mugimendua. Gatazka honen gaineko begirada pribilegiatua izan du Iñaki Petxarromanek, kazetari gisa hasiera-hasieratik jarraitu baititu errauste plantak egiteko proiek- tuen gaineko gorabehera guztiak, lehen eskutik jasotako informazioarekin sarri. Orain, informazio hori antolatu eta irakurlearen esku utzi du errealitatea ulertzeko gako guztiak izan ditzan.
Kazetaritza lan bikaina Gipuzkoan zaramaren inguruan piztu zen gatazkaren nondik norakoak ulertzeko.
Errauste plantaren aurrekariak, atzean zeuden interesak, zero zabor mugimenduaren sorrera,... azaltzen dizkigu Petxarromanek, garai bakoitzeko albisteak zein politikarien adierazpenak gogora ekarriz.
