Iparraldeko nobela beltza ulertzeko ezinbesteko saga
5 stars
Oso Wallander zalea naiz, saga osoa eta Mankellek bere inguruan sortutako aparteko nobela guztiak irakurri ditut. Azken garaietako gizartearen argazki ederra osatzen du suediarrak Scaniako Ystad hirian polizia lanetan dabilen Kurt Walldander detektibearen eskutik. Aipagarria da Kurt bera, ez baita inondik inora "superbotereak" edo erakargarritasun izugarria duen pertsonaia bat. Gizon normal bat da, bere lana ondo ematen zaiona, eta beste edonork izan ditzakeen arazoak dituena. Gomendagarria erabat.