Lesterren logika

Lesterrek mundua nola ikusten duen kontatzen du liburuak. Mundura ateratzeko bide lagun bat du, Hiner, arlote samarra, auzoaren alde iluna erakutsiko duena. Amak debekatu egingo dio lagun horrekin egotea, baina bera oso ondo konpontzen da berarekin. Badu Lesterren liburu honek bere xarma: dislexia azaltzeko modua, familia arrunt bateko giroa, Hiner gizon helduarekin Lesterrek duen harremana... Apurka-apurka Lesterren komentario berezietatik mundu gogor eta triste samarra azalduko zaigu: heriotza, lan-gabezia... baina hori guztia umoreaz baliatuz.