Eta galtzen bagara zer?

Gazteluma VIII. Literatur Saria (2015)

Paperback, 116 pages

Euskara language

Published March 1, 2016 by Elkar.

ISBN:
9788490275580
No rating (3 reviews)

Eta galtzen bagara zer, Egoitz Zelaia: Arrunt saltzaile txarra naiz. Lerro hauetako ene lana, esku artean duzun liburu hau irakurtzeko nahia sortzea da. Hasiera batean, “utik” pentsatu dut, edo “ez irakurri” bezalako leloren bat, ukatzen digutenaren aurkakoa egiteko joera omen dugulako. Nik bai bederen.

Ez dakidanez gauza aski… eta ez dakidanez aski gauza marketinaren inguruan “ez da idatzi dudan hoberena, baina publikatu didaten bakarra bai” bezalako esaldiak heltzen zaizkit burura, baina, segur aski, txakurrek beren isatsa koskatu nahian itzulika dabiltzanean bezala aritzea da. Buruari itzuli batzuk eman eta gero, izena duten idazleek idatziko luketen horretan pentsatu dut, “itzaleko bide oso bati jarritako argi bat da liburua”, edo “ene zati bat utzi dut liburu honetan, ene barne mundua islatzen duen lana da”, baina axola ote dizu ene barne munduak? Eta batik bat, izenik ez duen idazlerik ba al da?

Beste alde batetik, gauza positiboak baino, erakargarriak izan daitezkeenak indartzea bururatu zait, …

1 edition

Katixa Dolhare-Zaldunbide, Berria, 2016-04-21

No rating

Plazerez irakurri dut aurten ElkarBaionak, Elkar Fundazioak eta Euskal Kultur Erakundeak eskaini Gazteluma beka lortu duen Egoitz Zelaia hendaiarraren elelabur bilduma, Eta galtzen bagara zer?. Zortzi ixtorio independientez osatu liburua da, bakoitza pertsonaia batetan zentratua: Xune, Robert, Pol, Eira, Ed, Aira, Dana, Must. Sentsibilitate handiz eta umorez ere kondatzen dizkigu Zelaiak zalantzak edo nahigabeak joak dauden protagonista horien bizitzako zatiak, orainaldian edo iraganean, forma narratiboak aldizkatuz —lehen, hirugarren edo bigarren pertsonan ari da narratzailea, batzuetan kronologikoki, bestetan memorian jauzika, hikazko dialogoz osaturiko narrazioak ere tartekatuz. Ixtorio gozagarriak, zinez, errazki irakurriak, ez hain errazki ahantzigarriak.

Haririk badateke ixtorio horien guzien artean, pertsonaia guztiak noraezean galduta edo galtzeko arriskuan daudelako, hau da, ideologia handirik bultzatzen ez dituen horietarik, beren izatea ulergaitza dutenak. Bestela adierazteko, iragana dute sinesmen handiosen borroketan irabazi ala galtzeko obsesioa, eta beren baitara itzuliak dira, beren tirabira intimoak askatzeko lanetan nekez helduz. Joseba Gabilondok Nazioaren hondarrak saiakeran definitu ezaugarri …

Euskadi Irratia, ARRATSEAN saioa, elkarrizketa

No rating

Pertsonaia sorta aurkeztu digu Gaztelumak saritutako liburuan, hainbat gai jorratzeko. Suizidoa. ETAren armagabetzea, ezer egin ez eta susmagarri izatea. Terapiarako idaztea. Droga. Kontzientzia. Mendekua. Bakarrik bizitzeko hautua. Eta galdera bat: horma bat zuriz ala beltzez margotuko zenuke?

www.eitb.eus/eu/irratia/euskadi-irratia/programak/arratsean/audioak/osoa/3977518/egoitz-zelaia-arratsean-euskadi-irratianeta-galtzen-bagara-zer-obraz/

Iraitz Urkulo, armiarma.eus

No rating

Askori Egoitz Zelaia ez zaie ezezaguna egingo; izan ere, urteak daramatza bertsolaritzaren munduari lotuta, bere dohainak plazaz plaza zein bertso-eskoletan erakutsiz. Oraingoan, berriz, bat-bateko ahozko jardunetik idatzizkora jauzi egin du. Berriki, bere lehen obra aurkeztu du, Eta galtzen bagara zer? izenburukoa. Lanak Iparraldeko gazteen artean literatura sorkuntza sustatzea helburu duen Gazteluma VIII. Literatur Saria eskuratu ondoren ikusi du argia.

Liburua zortzi ataletan banatuta dago, eta horietako bakoitzak pertsonaia baten izena ageri du. Izenak beti pertsonaiaren batekin lotzen badira ere, horiek ez zaizkio beti protagonistari egokitzen. Zaila da ipuin bilduma ala eleberri baten aurrean gauden erabakitzea. Alde batetik, badira zortzi pertsonaien arteko loturak; batzuk bistakoak dira, eta beste zenbait sakonago doaz. Istorioak autonomoak balira bezala irakurriz gero, berezko interesa badutela eta, zentzu osoa izateko osagai nahiko badirela jabeturik, ederki funtzionatzen dutela konturatuko gara. Hala ere, irakurlearentzat erronka handiagoa gerta daiteke atalez atal hariak azaldu ahala lotzen joatea, pertsonaien arteko harremanak josiz, …

Subjects

  • Ipuin bilduma
  • eleberria