Han Gan-en zaldi magikoa

Han Ganen zaldi magikoa gerraren aurkako kondaira bat da. Han Gan margolaria benetan existitu zen. Txinan bizi izan zen, duela mila eta berrehun urte baino gehiago. Haurra zenean, Han Ganen zaletasunik handiena marraztea zen. Zaldiak marraztea zuen gogoko beste ezeren gainetik eta bizi itxura ematen saiatzen zen beti. Hazi zenean, Han Gan margolari bikain bihurtu zen, eta Enperadoreak berak ere ezagutzen zuen haren dohaina. Baina laster Han Ganen zaldiei buruz oso gauza bitxiak esaten hasi ziren. Bere zaldiak benetakoak baino benetakoagoak zirela esaten zuten, eta bere pintzel magikoak bizia emateko dohaina zuela. Album ilustratu bikain honetako marrazkiak zetan eginak dira, Han Ganek erabiltzen zuen teknika berbera erabiliz.