Poltsikorako poemak

Poltsikorako poemak poema ilustratu desberdinak jasotzen dituen bildumatxoa da. Poema hauetako batzuk guk sortutakoak dira, beste batzuk aldiz, ahozkotasunetik edo beste egile batzuengandik jasoak. Testu errimatu hauen irakurketa errazteko, collage teknika erabiliz irudiak sortu ditugu. Umeekin erritmoa, errima, hizkuntza eta ahozkotasuna lantzeko baliabide bikaina dira. Liburuxken formatuak sorpresak gordetzen ditu, istorio txiki bakoitza entzun, ikusi eta ukitzeko aukera ematen digu kontakizunaren gozamenerako. Bilduma honek jasotzen dituen izenburuak honako hauek dira: Zuloak, Lasterketa, Zoro, Fruta kutxatxoak eta Goizaldean.