User Profile

Irakurtzea kosta zait. Ez dakit, agian Mielvilleren "La ciudad y la ciudad" liburutik nentorren, eta horrek eragina izan du. Bartzelonako hiria eta bertako pertsonaiak ondo ezagutzen dituen batentzat agian erakargarriak izan daitezke erabiltzen dituen erreferentziak, baina niri horrek ez dit batere lagundu. Hasiera polita izan arren, gero trama ere nahiko ahula ikusi dut, ez da errealismo magikoa, ez fikzioa-erreala... ez dakit... tarteko zerbait baina ez duzu inoiz egia izan daitekeenik pentsatzen, ezta mundu magiko bat denik. Enpin...

Haurrentzako oso egokia delakoan nago. Xia Tenzin erraldoiaren bidaia, eta bere abenturak kontatzen dizkigun odisea txikia. Pertsonaia maitagarriz eta egoera xelebre, triste eta alaiz beterik aurkituko duzu liburua.

Toni Morrison-engana bell hooks-ek ekarri nau, "Transgresioa irakasgai" irakurri ostean aipatua ikusi nuen eta.

Liburu hontan Medaillon auzoko historia kontatzen digu Morrisonek, AEBko auzo txiro baten gerrate-arteko erradiografia izan daitekeena. Idazteko modua asko gustatu zait, pertsonaia bakoitzaren ahotik eta eskarmentutik idatzirik izanik, ez da batere pisutsua egiten, eta bata eta bestearen arteko ñabardurek istorioaren muina erakusten doaz pixkanaka-pixkanaka. Arrazakeria, klasismoa eta feminismoari buruzko liburu bat izan zitekeen, hitz hauek behin ere ez aipatu arren, eta intersezkzionalitateari buruzko tesia ere izan zitekeen. Baina ez da. Kronika izugarri polit eta gogorra da, istorio eta pertsonaia gogoangarriak sortuz hasieratik bukaerara harrapatzen zaituena. Liburua deskatalogatua dago, eta ez dago eskuragarri jada. Pena da, baina bigarren eskukoa lor daiteke agian, eta epub-ean irakurri nahi baduzu, lor daiteke ere! (Idatzi iruzkin bat eman nahi baduzu)

paperjale.eus/book/53149/s/transgresioa-irakasgai